ರಾಜ್ಯಸಭೆಗೆ ವಯಸ್ಸಿನ ಪ್ರಶ್ನೆ ಎದುರಾಗುವುದಿಲ್ಲ: ಎಚ್‌ಡಿಕೆ

Team Udayavani, Jun 11, 2020, 6:30 AM IST

ಚನ್ನಪಟ್ಟಣ: ಮಾಜಿ ಪ್ರಧಾನಿ ದೇವೇಗೌಡರು, ಹಿರಿಯರು, ಅನುಭವಸ್ಥರು. ಹೀಗಾಗಿ ವಯಸ್ಸಿನ ಪ್ರಶ್ನೆ ಬರುವುದಿಲ್ಲ. ಅನುಭವ ಮುಖ್ಯವಾಗುತ್ತದೆ. ಅವರು ರಾಜ್ಯಸಭೆಯಲ್ಲಿ ಸಮಸ್ಯೆಗಳನ್ನು ಪರಿಣಾಮಕಾರಿಯಾಗಿ ಮಂಡಿಸಬಲ್ಲರು.  ಹೀಗಾಗಿ ಅವರ ಮೇಲೆ ಒತ್ತಡ ಹಾಕಲಾಯಿತು ಎಂದು ಮಾಜಿ ಸಿಎಂ ಎಚ್‌.ಡಿ.ಕುಮಾರಸ್ವಾಮಿ ಹೇಳಿದರು.

ತಾಲೂಕಿನ ತಿಟ್ಟಮಾರನಹಳ್ಳಿ ಬಳಿ ರಾಷ್ಟ್ರೀಯ ಹೆದ್ದಾರಿಗೆ ಪ್ರವೇಶ, ಹೊರಗೆ  ಹೋಗಲು ಗೇಟ್‌ ನಿರ್ಮಿಸುವ ಸಂಬಂಧ ಗ್ರಾಮಸ್ಥರೊಂದಿಗೆ ಚರ್ಚೆ ನಡೆಸಿ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದರು. ಪಕ್ಷದ ಶಾಸಕರು, ಕಾರ್ಯಕರ್ತರ ಒತ್ತಡ ಹಾಗೂ ದೆಹಲಿ ನಾಯಕರ ಮಾತಿಗೆ ಬೆಲೆಕೊಟ್ಟು ಅನಿವಾರ್ಯವಾಗಿ ಮಾಜಿ ಪ್ರಧಾನಿ ಎಚ್‌.ಡಿ.ದೇವೇಗೌಡ ರಾಜ್ಯಸಭೆಗೆ ಹೋಗುವ ನಿರ್ಧಾರ  ಮಾಡಿದ್ದಾರೆ.

ಅವರೇನು ಮೊದಲ ಬಾರಿಗೆ ಹೋಗುತ್ತಿಲ್ಲ. ಪ್ರಧಾನಿಯಾಗಿ ದ್ದಾಗ 2 ವರ್ಷ ಅನಿವಾರ್ಯವಾಗಿ ರಾಜ್ಯ ಸಭೆಯಲ್ಲಿದ್ದರು. ರಾಜ್ಯದ ಸಮಸ್ಯೆಗಳ ಬಗ್ಗೆ ಪ್ರಧಾನಿ ಎದುರು ಗಟ್ಟಿದನಿ ಎತ್ತಬೇಕಿದೆ ಎಂದರು. ಪ್ರವೇಶಿಸುವ ಮತ್ತು ಹೊರ ಹೋಗುವ ಗೇಟ್‌ ಸ್ಥಾಪಿಸಲು ಮನವಿ ಬಂದಿದ್ದು, ಹೆದ್ದಾರಿ ಪ್ರಾಧಿಕಾರದ ಅಧಿಕಾರಿ ಗಳೊಂದಿಗೆ ಚರ್ಚಿಸಿದ್ದೇನೆ.

ಕೇಂದ್ರ ಸಚಿವ ನಿತಿನ್‌ ಗಡ್ಕರಿಗೂ ಮನವಿ ಮಾಡಿದ್ದು, ಅಗತ್ಯಬಿದ್ದರೆ ಭೇಟಿ ಮಾಡಿ  ಸಮಸ್ಯೆ ತಿಳಿಸುತ್ತೇನೆ. ಜನಪ್ರತಿನಿಧಿಯಾಗಿ ನಾನಿ ದ್ದೇನೆ. ನೀವು ನೆಮ್ಮದಿಯಾಗಿರಿ ಎಂದರು. ಕೊರೊನಾ ಹಿನ್ನೆಲೆಯಲ್ಲಿ ಆರ್ಥಿಕ ಸಮಸ್ಯೆ ಎದುರಾಗಿರುವುದರಿಂದ ತಾಲೂ ಕಿನಲ್ಲಿ 3 ಕೋಟಿ ರೂ. ವೆಚ್ಚದ ಹಲವು ಕಾಮಗಾರಿ  ಸ್ಥಗಿತಗೊಂಡಿವೆ. ಈಗಾಗಲೇ ಸಿಎಂ ಹಾಗೂ ಮುಖ್ಯಕಾರ್ಯದರ್ಶಿ ಯವರೊಂದಿಗೆ ಮಾತನಾಡಿದ್ದೇನೆ.

ಅನು ದಾನ ಬಿಡುಗಡೆ ಗೊಳಿಸುವ ಭರವಸೆ ನೀಡಿದ್ದಾರೆ. ಹಲವು ವರ್ಷ ಗಳಿಂದಾಗದಿರುವ ಕಾಮಗಾರಿಗಳನ್ನು ಸಿಎಂ ಆಗಿ ದ್ದಾಗ ಮಂಜೂರು ಮಾಡಿದ್ದೇನೆ. ಜನರು ಅವಕಾಶ ಕಲ್ಪಿಸಿದರೆ, ಎಲ್ಲವನ್ನೂ ಸರಿಪಡಿಸುತ್ತೇನೆ ಎಂದರು. ತಿಟ್ಟಮಾರನಹಳ್ಳಿ ಭಾಗದ ಮುಖಂಡರು ಇದ್ದರು.