Ramanagara:ಒಕ್ಕಣೆಗೆ ಹಾಕಿದ್ದ ಹುಲ್ಲು ಇಂಜಿನ್ ಗೆ ತಗುಲಿ ಕಾರು ಭಸ್ಮ

Team Udayavani, Jan 12, 2024, 7:30 PM IST

ರಾಮನಗರ: ರಸ್ತೆಯಲ್ಲಿ ಒಕ್ಕಣೆ ಮಾಡಲು ರಾಗಿ ಹುಲ್ಲು ಹಾಕಿದ್ದ ಪರಿಣಾಮ ಬೆಂಕಿ ಹತ್ತಿಕೊಂಡು ಕಾರು ಭಸ್ಮವಾದ ಘಟನೆ ಚನ್ನಪಟ್ಟಣ ತಾಲೂಕಿನ ಕೃಷ್ಣಾಪುರ- ಅಂಕುಶನಹಳ್ಳಿ ರಸ್ತೆಯಲ್ಲಿ ನಡೆದಿದೆ.

ಕೃಷ್ಣಾಪುರ ಗ್ರಾಮದಿಂದ ಅಂಕುಶನಹಳ್ಳಿ ಕಡೆಗೆ ಹೋಗುತ್ತಿದ್ದ ಕಾರಿನ ಇಂಜಿನ್‌ಗೆ ಹುಲ್ಲು ಸಿಕ್ಕಿಕೊಂಡು ಬೆಂಕಿ ಹತ್ತಿಕೊಂಡಿದೆ.ತತ್ ಕ್ಷಣ ಕೆಳಗಿದ ಕಾರಿನ ಚಾಲಕ ಬೆಂಕಿ ನಂದಿಸಲು ಪ್ರಯತ್ನಿಸಿದನಾದರೂ ಕಾರು ಸಂಪೂರ್ಣ ಭಸ್ಮವಾಗಿದೆ.ಅಗ್ನಿಶಾಮಕ ದಳದ ತಂಡಸ್ಥಳಕ್ಕೆ ಆಗಮಿಸಿ ಬೆಂಕಿ ನಂದಿಸಿದರು.

ರಸ್ತೆಯಲ್ಲಿ ರಾಗಿ, ಭತ್ತ ಹಾಗೂ ಹುರುಳಿಯನ್ನು ಒಕ್ಕಣೆ ಮಾಡುತ್ತಿರುವ ಕಾರಣ ವಾಹನ ಸವಾರರಿಗೆ ಸಮಸ್ಯೆಯಾಗುತ್ತಿದೆ. ಈ ಹಿಂದೆ ಸಹ ರಸ್ತೆಯಲ್ಲಿ ಹುಲ್ಲು ಹಾಕಿದ್ದರಿಂದ ಹಲವು ಅಪಘಾತಗಳು ಸಂಭವಿಸಿವೆ.ಪೊಲೀಸ್ ಇಲಾಖೆ ರಸ್ತೆಯಲ್ಲಿ ಹುಲ್ಲು ಹಾಕುವುದನ್ನು ತಪ್ಪಿಸುವಂತೆ ವಾಹನ ಸವಾರರು ಆಗ್ರಹಿಸಿದ್ದಾರೆ.