ಪಿಂಕ್‌ ಬೂತ್‌ನಿಂದ ಮತದಾನ ಹೆಚ್ಚಳ

Team Udayavani, May 13, 2018, 1:03 PM IST

ಕನಕಪುರ: ತಾಲೂಕಿನಲ್ಲಿ ಮಹಿಳಾ ಮತದಾರರನ್ನು ಮತದಾನ ಮಾಡುವಂತೆ ವಿಶೇಷವಾಗಿ ಸ್ಥಾಪಿಸಲಾಗಿದ್ದ ನಾಲ್ಕು ಸಖೀ ಮತಗಟ್ಟೆ ಕೇಂದ್ರ ಮಹಿಳಾ ಮತದಾರರ ಪ್ರಮಾಣ ಹೆಚ್ಚಳವಾಗಿದೆ.

ಕೋಡಿಹಳ್ಳಿ ಹೋಬಳಿಗೆ ಸೇರಿದ ಹೊಸದೊಡ್ಡಿ ಗ್ರಾಮದಲ್ಲಿ ಶೇ.96 ರಷ್ಟು ಮತದಾನವಾಗಿದೆ. ನಗರದ ರೇಷ್ಮೆ ಗೂಡಿನ ಮಾರುಕಟ್ಟೆ ಬಳಿ ಇರುವ ಮತಗಟ್ಟೆಸಂಖ್ಯೆ 79ರಲ್ಲಿ ಶೇ.73.4ರಷ್ಟು ಹಾಗೆಯೇ ಮತಗಟ್ಟೆಸಂಖ್ಯೆ 78ರಲ್ಲಿ ಶೇ.79ರಷ್ಟು ಮತದಾನವಾಗಿದೆ.

ತುಂಗಣಿ ಗ್ರಾಮ ಪಂಚಾಯತಿ ವ್ಯಾಪ್ತಿಯ ಗೋಪಸಂದ್ರ ಗ್ರಾಮದಲ್ಲಿ ಶೇ.96ರಷ್ಟು ಮತದಾನವಾಗಿದ್ದು ಎಲ್ಲಾ ಪಿಂಕ್‌ ಮತದಾನ ಕೇಂದ್ರಗಳಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಮತದಾನ ಮಾಡಿದ್ದಾರೆ.

ವಿಶೇಷವಾಗಿ ಪಿಂಕ್‌ ಮತಗಟ್ಟೆಯಲ್ಲಿ ಮತಗಟ್ಟೆ ಅಧಿಕಾರಿಗಳು ಬಹಳ ಉತ್ಸಾಹದಿಂದ ಕೆಲಸ ನಿರ್ವಹಿಸಲು ಮುಂದಾಗಿದ್ದರು. ಮತದಾರರು ಹೆಚ್ಚು ಉತ್ಸವಾಹದಿಂದ ಮತಗಟ್ಟೆ ಕೇಂದ್ರಕ್ಕೆ ಬರುತಿದ್ದದ್ದು ಕಂಡುಬಂದಿತು.