ಗಮನ ಸೆಳೆದ 10 ಕೋ.ರೂ. ಬೆಲೆಯ ಭೀಮ!

Team Udayavani, Oct 3, 2022, 7:50 AM IST

ಶಿವಮೊಗ್ಗ: ಇಲ್ಲಿನ ಗಾಂಧಿ ಪಾರ್ಕ್‌ ರವಿವಾರ ಶ್ವಾನ ಪ್ರಿಯರ ಆಕರ್ಷಣೆಯ ತಾಣವಾಗಿತ್ತು. ಶಿವಮೊಗ್ಗ ದಸರಾ ಅಂಗವಾಗಿ ರಾಜ್ಯಮಟ್ಟದ ಶ್ವಾನ ಪ್ರದರ್ಶನ ಸ್ಪರ್ಧೆ ಏರ್ಪಡಿಸಲಾಗಿತ್ತು. ಉಡುಪಿ, ಮಂಗಳೂರು, ದಾವಣಗೆರೆ, ಹುಬ್ಬಳ್ಳಿ, ಭದ್ರಾವತಿಯಿಂದ ಹಲವು ಜನರು ತಮ್ಮ ನಾಯಿಗಳೊಂದಿಗೆ ಭಾಗವಹಿಸಿದ್ದರು.

ಇದರಲ್ಲಿ ಹಸ್ಕಿ, ಜರ್ಮನ್‌ ಶೆಫರ್ಡ್‌, ಪಮೋರಿಯನ್‌ ಮುಧೋಳ, ಗೋಲ್ಡನ್‌ ರಿಟ್ರೇವರ್‌, ರಾಟ್‌ ವಿಲ್ಲರ್‌ ಫಗ್‌ ಸಹಿತ ಪ್ರಮುಖ 15 ಬಗೆಯ ನಾಯಿಗಳಿದ್ದವು.

ಇದರಲ್ಲಿ 10 ಕೋಟಿ ರೂ. ಮೌಲ್ಯದ ಟಿಬೇಟಿಯನ್‌ ಮಸ್ತಿಫ್‌ “ಭೀಮ’ ಎಲ್ಲರ ಆಕರ್ಷಣೆಯ ಕೇಂದ್ರ ಬಿಂದುವಾಗಿದ್ದು, ಇದನ್ನು ನೋಡಲು ಸಾವಿರಾರು ಜನ ಆಗಮಿಸಿದ್ದರು. ಇದನ್ನು ಬೆಂಗಳೂರಿನ ನಟ ಹಾಗೂ ಇಂಡಿಯನ್‌ ಡಾಗ್‌ ಬ್ರಿàಡರ್ ಅಸೋಸಿಯೇಶನ್ಸ್‌ ಅಧ್ಯಕ್ಷ ಸತೀಶ್‌ ಕರೆತಂದಿದ್ದರು.

ಬೀಜಿಂಗ್‌ನಿಂದ ತರಿಸಿಕೊಂಡಿದ್ದ ಈ ನಾಯಿಗೆ ಎರಡೂವರೆ ವರ್ಷ ವಯಸ್ಸು. ಪ್ರತಿ ದಿನ ಚಿಕನ್‌ ನೀಡಬೇಕಾಗಿದೆ ಹಾಗೂ ಯಾವಾಗಲೂ ಎಸಿ ರೂಮ್‌ನಲ್ಲೇ ಇರಿಸಬೇಕು. ತಿಂಗಳಿಗೆ 50 ಸಾವಿರ ಖರ್ಚು ಬರುತ್ತದೆ ಎನ್ನುತ್ತಾರೆ ಸತೀಶ್‌.