ತಾಳಗುಪ್ಪ ಗ್ರಾಮ ಪಂಚಾಯತ್‍ನಲ್ಲಿ ಬೀಗ ಒಡೆದು ಕಳ್ಳತನ

Team Udayavani, Mar 18, 2022, 3:15 PM IST

ಸಾಗರ: ತಾಲೂಕಿನ ತಾಳಗುಪ್ಪ ಗ್ರಾಮ ಪಂಚಾಯತ್‍ನಲ್ಲಿ ಕಚೇರಿ ಬೀಗ ಒಡೆದು ಕಳ್ಳತನಕ್ಕೆ ಪ್ರಯತ್ನಿಸಿರುವ ಘಟನೆ ಶುಕ್ರವಾರ ಬೆಳಗಿನ ಜಾವ ನಡೆದಿದೆ.

ಅಕ್ರಮ ಪ್ರವೇಶ ಮಾಡಿದವರು ಕಾರ್ಯಾಲಯದ ಒಳಭಾಗದ ಗಾಡ್ರೇಜ್‌ಗಳನ್ನೂ ಒಡೆದಿದ್ದು ದಾಖಲಾತಿಗಳನ್ನು ಚೆಲ್ಲಾಪಿಲ್ಲಿ ಮಾಡಿದ್ದಾರೆ.  ಕಳ್ಳರು ಯಾವುದೋ ದಾಖಲಾತಿಗಾಗಿ ಬೀಗ ಒಡೆದಿರುವ ಬಗ್ಗೆ ಅನುಮಾನವಿದೆ ಎಂಬುದನ್ನು ಗ್ರಾಮ ಪಂಚಾಯತ್‍ ಅಧಿಕಾರಿಗಳು ಮಾಹಿತಿ ನೀಡಿದ್ದು, ಯಾವ ದಾಖಲೆ, ವಸ್ತುಗಳು ಕಣ್ಮರೆಯಾಗಿದೆ ಎಂಬ ವಿವರಗಳು ಇನ್ನಷ್ಟೇ ಪತ್ತೆಯಾಗಬೇಕಿದೆ.

ಇದನ್ನೂ ಓದಿ:ಕೋರ್ಟ್ ತೀರ್ಪಿನ ನಂತರ ಪ್ರತಿಭಟನೆ ಸರಿಯಲ್ಲ: ಜಗದೀಶ ಶೆಟ್ಟರ್

ಪಂಚಾಯತ್‍ಗೆ ಸಾಗರ ಗ್ರಾಮಾಂತರ ಠಾಣೆಯ ಅಧಿಕಾರಿ ಸುಜಾತ, ಸಹ ಪೊಲೀಸ್ ಸಿಬ್ಬಂದಿ, ಶ್ವಾನದಳ ಮತ್ತು ಬೆರಳಚ್ಚು ತಜ್ಞರು ಆಗಮಿಸಿದ್ದು ತನಿಖೆ ನಡೆಸುತ್ತಿದ್ದಾರೆ.