ಬಸ್ ಚಾಲನೆ ಮಾಡುತ್ತಿರುವಾಗಲೇ ಚಾಲಕನಿಗೆ ಹೃದಯಘಾತವಾಗಿ ಸಾವು

Team Udayavani, Feb 5, 2020, 1:28 PM IST

ಶಿವಮೊಗ್ಗ: ಬಸ್ ಚಲಾಯಿಸುತ್ತಿರುವಾಗಲೇ ಚಾಲಕ ಹೃದಯಘಾತವಾಗಿ ಮೃತಪಟ್ಟ ಘಟನೆ ಬುಧವಾರ ಬೆಳಗ್ಗೆ ಶಿಕಾರಿಪುರ ತಾಲೂಕಿನಲ್ಲಿ  ನಡೆದಿದೆ.

ಶಿಕಾರಿಪುರ ದಿಂದ ಹೊನ್ನಾಳ್ಳಿಗೆ ಹೊಗುವ ಮಾರ್ಗದಲ್ಲಿ ಸಂಚಾರಿಸುತ್ತಿದ್ದ ಕುಮದ್ವತಿ ಬಸ್ ಚಾಲಯಿಸುತ್ತಿದ್ದ ಬಸ್ ಚಾಲಕ ಕುಮಾರ್ (32) ಹೃದಯಘಾತವಾಗಿ ಮೃತ ಪಟ್ಟ ದುರ್ದೈವಿ ಎನ್ನಲಾಗಿದೆ. ಮೃತನನ್ನು ಶಿಕಾರಿಪುರ ತಾಲೂಕಿನ ಬಗನಕಟ್ಟೆ ನಿವಾಸಿ ಎಂದು ಗುರುತಿಸಲಾಗಿದೆ.

ಅದೃಷ್ಟವಶಾತ್ ಬಸ್ ಕೆಂಗಟ್ಟೆ ಗ್ರಾಮದ ಬಳಿ ರಸ್ತೆಯ ಎಡಭಾಗದ ಮರಕ್ಕೆ ಗುದ್ದಿದ್ದು ಪ್ರಯಾಣೀಕರಿಗೆ ಸಣ್ಣಪುಟ್ಟ ಗಾಯಗಳಾಗಿದ್ದು ಯಾವುದೇ ಅನಾಹುತ ಸಂಭವಿಸಿಲ್ಲ.

ಬಸ್ ಚಾಲಕ ಹೃದಯಘಾತದ ನೋವಿನಲ್ಲೂ ಬಸ್ ನಿಯಂತ್ರಿಸಲು ಪ್ರಯತ್ನಿಸಿದ್ದಾನೆ ಎಂದು ಪ್ರಯಾಣಿಕರು ತಿಳಿಸಿದ್ದಾರೆ. ಹೃದಯಘಾತದಿಂದ ಮೃತ ಪಟ್ಟ ಚಾಲಕನಿಗೆ ಬಸ್ ಚಾಲಕರು ಹಾಗೂ ಮಾಲೀಕರ ಸಂಘ ಸಂತಾಪ ಸೂಚಿಸಿದ್ದಾರೆ.