Siddaramaiah ಕೇಂದ್ರದ ಹಣಕ್ಕಾಗಿ ಸಿಎಂ ಶ್ವೇತಪತ್ರ ಹೊರಡಿಸಲಿ: ಕೆ.ಎಸ್‌.ಈಶ್ವರಪ್ಪ

Team Udayavani, Feb 4, 2024, 7:07 PM IST

ಶಿವಮೊಗ್ಗ:ಸಿಎಂ ಸಿದ್ದರಾಮಯ್ಯ ಕೇಂದ್ರದ ಹಣ ಬಂದಿಲ್ಲ, ಒಂದು ಶ್ವೇತಪತ್ರ ಹೊರಡಿಸುತ್ತೇನೆ ಎಂದಿದ್ದಾರೆ. ಕೇವಲ ಹೇಳಿ ಸುಮ್ಮನಾಗಬಾರದು. ಶ್ವೇತಪತ್ರ ಹೊರಡಿಸಲಿ ಎಂದು ಮಾಜಿ ಡಿಸಿಎಂ ಕೆ.ಎಸ್‌. ಈಶ್ವರಪ್ಪ ಸವಾಲು ಹಾಕಿದರು.

ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಹಿಂದಿನ ಸರ್ಕಾರದ ಅವಧಿಯಲ್ಲಿ ರಾಜ್ಯಕ್ಕೆ ಎಷ್ಟು ಹಣ ಬಂದಿತ್ತು. ಈಗ ಮೋದಿ ಸರ್ಕಾರದ ಅವಧಿಯಲ್ಲಿ ಎಷ್ಟು ಬಂದಿದೆ. ಅವರು ಪತ್ರ ಹೊರಡಿಸಲ್ಲ ಎಂದು ನನಗೆ ಗೊತ್ತು. ಬರೀ ಸುಳ್ಳು ಹೇಳ್ತಾರೆ. ಫೆ.7ರಂದು ಎಲ್ಲರನ್ನೂ ಕರೆದುಕೊಂಡು ಧರಣಿ ಮಾಡ್ತಾರಂತೆ. ಕೇಂದ್ರದಲ್ಲಿ ಒಂದು ವಿಪಕ್ಷವಾಗಿ ಬದುಕಿದೆ ಎಂದು ತೋರಿಸಲು ಹೋರಾಟ ಮಾಡ್ತಾರೆ. ಅಲ್ಲಿ ಕೂರುವ ಮುಂಚೆ ರಾಜ್ಯದ ಆರ್ಥಿಕ ಪರಿಸ್ಥಿತಿ ಬಗ್ಗೆ ಪತ್ರ ಹೊರಡಿಸಲಿ.

ನಾನು ಮತ್ತೆ ಮತ್ತೆ ಹೇಳ್ತೇನೆ . ಅವರು ಶ್ವೇತಪತ್ರ ಹೊರಡಿಸಲ್ಲ. ಹಿಂದಿನ ಯುಪಿಎ ಸರ್ಕಾರಕ್ಕಿಂತ ಮೋದಿ ಸರ್ಕಾರ ಹೆಚ್ಚು ಹಣ ಕೊಟ್ಟಿದೆ. ರಾಜಕಾರಣ ಮಾಡೋಕೆ ದೆಹಲಿಗೆ ಹೋಗ್ತಿದ್ದಾರೆ. ಧರಣಿ ಮಾಡಲಿ ಬಿಡಿ ಎಂದರು.