ಜಿಲ್ಲಾಡಳಿತದ ಆದೇಶದಿಂದ ಮದ್ಯ ಪ್ರಿಯರಿಗೆ ಬೇಸರ

Team Udayavani, Jun 4, 2021, 8:33 PM IST

ಶಿವಮೊಗ್ಗ: ಮದ್ಯಪ್ರಿಯರು ಶನಿವಾರದಿಂದ ಮದ್ಯ ಸಿಗುತ್ತದೆ ಎಂದು ಸಂತಸಗೊಂಡಿದ್ದ ಕೆಲವೇ ಗಂಟೆಗಳಲ್ಲಿ ಬೇಸರದ ಆದೇಶ ಹೊರಬಿದ್ದ ಘಟನೆ ಶುಕ್ರವಾರ ನಡೆದಿದೆ.

ಕಠಿಣ ಲಾಕ್‌ಡೌನ್ ಹಿನ್ನೆಲೆ ಮಂಗಳವಾರದಿಂದ ಭಾನುವಾರದವರೆಗೂ ಜಿಲ್ಲೆಯಲ್ಲಿ ಮದ್ಯ ಮಾರಾಟಕ್ಕೆ ಬ್ರೇಕ್ ಹಾಕಲಾಗಿತ್ತು. ಈ ನಡುವೆ ಶನಿವಾರದಿಂದ ಮದ್ಯ ಮಾರಾಟ ಮಳಿಗೆಗಳನ್ನು ತೆರೆಯಲು ಅಬಕಾರಿ ಇಲಾಖೆ ಎಲ್ಲರಿಗೂ ಮಾಹಿತಿ ನೀಡಿತ್ತು. ಅದಕ್ಕಾಗಿ ಕೋವಿಡ್ ಟೆಸ್ಟ್ ಕಡ್ಡಾಯ ಮಾಡಿಸಬೇಕೆಂದು ಸೂಚನೆ ನೀಡಿತ್ತು. ಬೆಳಗ್ಗೆ 6ರಿಂದ 10 ಗಂಟೆವರೆಗೆ ಮದ್ಯದಂಗಡಿ ತೆರೆಯಲು ಎಲ್ಲರೂ ಸಜ್ಜಾಗಿದ್ದರು. ಈ ವಿಷಯ ಎಲ್ಲೆಡೆ ಹಬ್ಬಿ ಮದ್ಯ ಪ್ರಿಯರು ಸಂತಸಗೊಂಡಿದ್ದರು.

ಸಂಜೆ ವೇಳೆಗೆ ಅಬಕಾರಿ ಇಲಾಖೆ ಮದ್ಯ ಮಾರಾಟ ಎರಡು ದಿನ ಇಲ್ಲ ಎಂದು ಮತ್ತೊಂದು ಮಾಹಿತಿ ನೀಡಿದೆ. ಎಲ್ಲ ಸಿದ್ಧತೆ ಮಾಡಿಕೊಂಡಿದ್ದ ಮದ್ಯದಂಗಡಿಗಳು ಗೊಂದಲಕ್ಕೆ ಒಳಗಾಗಿದ್ದರು ಮದ್ಯಪ್ರಿಯರು ನಿರಾಶರಾಗಿದ್ದಾರೆ.