ಕುಡಿದು ಗಲಾಟೆ… ಪ್ರಶ್ನಿಸಿದ್ದಕ್ಕೆ ಪತ್ನಿಯನ್ನೇ ಕಡಿದು ಕೊಂದು ಪರಾರಿಯಾದ ಮದ್ಯವ್ಯಸನಿ ಪತಿ

Team Udayavani, Jan 21, 2024, 1:49 PM IST

ಸಾಗರ: ಮದ್ಯವ್ಯಸನಿಯೊಬ್ಬ ಪತ್ನಿಯ ಕತ್ತು ಕಡಿದು ಹತ್ಯೆ ಮಾಡಿರುವ ಘಟನೆ ತಾಲೂಕಿನ ತುಮರಿ ಕುದರೂರು ಗ್ರಾಮದ ಆವಿಗೆ ಕುಣಬಿ ಕೇರಿಯಲ್ಲಿ ನಡೆದಿದೆ.

ನೀಲಾವತಿ (29) ಕೊಲೆಗೀಡಾದ ನತದೃಷ್ಟೆ. ಪತಿ ಲೋಕೇಶ್ ವಿರುದ್ಧ ಕಾರ್ಗಲ್ ಠಾಣೆಯಲ್ಲಿ ಶನಿವಾರ ಪ್ರಕರಣ ದಾಖಲಾಗಿದೆ.

ವಿಪರೀತ ಕುಡಿದು ಬಂದು ಗಲಾಟೆ ಮಾಡುತ್ತಿದ್ದುದ್ದನ್ನು ಪ್ರಶ್ನಿಸಿದ ಪತ್ನಿಯ ಕೈ ಮತ್ತು ಕುತ್ತಿಗೆಯನ್ನು ಆರೋಪಿ ಕತ್ತರಿಸಿದ್ದಾನೆ. ವಿಷಯ ತಿಳಿದ ಗ್ರಾಮಸ್ಥರು, ಸ್ಥಳಕ್ಕೆ ಬರುವಷ್ಟರಲ್ಲಿ ಆರೋಪಿ ಕಾಡಿನೊಳಗೆ ಪರಾರಿಯಾಗಿದ್ದಾನೆ. ರಕ್ತದ ಮಡುವಿನಲ್ಲಿ ಬಿದ್ದಿದ್ದ ನೀಲಾವತಿ ಅವರನ್ನು ಗ್ರಾಮಸ್ಥರು ಸಾಗರ ಆಸ್ಪತ್ರೆಗೆ ಚಿಕಿತ್ಸೆಗಾಗಿ ಕರೆದೊಯ್ಯುವಾಗ ಮಾರ್ಗಮಧ್ಯೆ ಮೃತಪಟ್ಟಿದ್ದಾರೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.

14 ವರ್ಷಗಳ ಹಿಂದೆ ಇವರ ವಿವಾಹವಾಗಿತ್ತು. ಮೂವರು ಪುತ್ರಿಯರು ಇದ್ದಾರೆ. ಕಾರ್ಗಲ್ ಸಬ್ ಇನ್‌ಸ್ಪೆಕ್ಟರ್ ಹೊಳೇಬಸಪ್ಪ ಹೋಳಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಆರೋಪಿ ಪತ್ತೆಗಾಗಿ ಸಿಬ್ಬಂದಿ ದಿನೇಶ್ ಮತ್ತು ಪುರುಷೋತ್ತಮ ಕಾರ್ಯಾಚರಣೆ ಕೈಗೊಂಡಿದ್ದಾರೆ. ಸಾಗರ ಗ್ರಾಮಾಂತರ ವೃತ್ತ ನಿರೀಕ್ಷಕ ಮಹಾಬಲೇಶ ನಾಯ್ಕ ತನಿಖೆ ಕೈಗೊಂಡಿದ್ದಾರೆ.

ಇದನ್ನೂ ಓದಿ: ಕಿಷ್ಕಿಂಧಾ ಪಂಪಾ ಸರೋವರದಿಂದ ಅಯೋಧ್ಯೆಯ ಶ್ರೀರಾಮನಿಗೆ ಬಾರಿ ಹಣ್ಣು ಕಳಿಸಿದ ಮಾಜಿ MLC