ಮತ್ತಿಬ್ಬರಿಗೆ ಕೋವಿಡ್

Team Udayavani, Jun 15, 2020, 1:03 PM IST

ಶಿವಮೊಗ್ಗ: ಜಿಲ್ಲೆಯಲ್ಲಿ ಭಾನುವಾರ ಮತ್ತಿಬ್ಬರಿಗೆ ಕೋವಿಡ್ ಸೋಂಕು ದೃಢಪಟ್ಟಿದೆ. ಈವರೆಗೆ 91 ಮಂದಿಯಲ್ಲಿ ಸೋಂಕಿಗೆ ಒಳಗಾಗಿದ್ದು ಅವರನ್ನು 44 ಮಂದಿ ಗುಣಮುಖರಾಗಿ ಬಿಡುಗಡೆಯಾಗಿದ್ದಾರೆ. 47 ಸಕ್ರಿಯ ಪ್ರಕರಣಗಳಿವೆ.

ಭಾನುವಾರ ಕಾಣಿಸಿಕೊಂಡಿರುವ ಒಂದು ಪ್ರಕರಣ ಅಂತಾರಾಜ್ಯ ಸಂಚಾರದಿಂದ ಬಂದಿಲ್ಲ. ಬದಲಾಗಿ ಬೆಂಗಳೂರಿನಿಂದ ಬಂದವರಾಗಿದ್ದಾರೆ. 26 ವರ್ಷದ ಯುವತಿ ಜೂ.11ರಂದು ರಾತ್ರಿ ಬಂದ ಇವರು ಜೂ.12ರಂದು ಸರಕಾರ ಆಸ್ಪತ್ರೆಗೆ ಬೈಕ್‌ನಲ್ಲಿ ತೆರಳಿ ಸ್ಯಾಂಪಲ್‌ ಕೊಟ್ಟು ಬಂದಿದ್ದಾರೆ. ಜೂ.13ರ ರಾತ್ರಿ ಸೋಂಕು ದೃಢಪಟ್ಟಿದೆ. ಹೀಗಾಗಿ ತೀರ್ಥಹಳ್ಳಿ ತಾಲೂಕಿನ ಹೊಸಹಳ್ಳಿ ಗ್ರಾಪಂ ವ್ಯಾಪ್ತಿಯ ಆರು ಮನೆಗಳನ್ನು ಕಂಟೇನ್ಮೆಂಟ್‌ ಝೋನ್‌, ಮೂರು ಹಳ್ಳಿಗಳನ್ನು ಬಫರ್‌ ಝೋನ್‌ ಮಾಡಲಾಗುತ್ತಿದೆ. ಈಚೆಗೆ ರಂಜದಕಟ್ಟೆ ಬಳಿಯ ಹಳ್ಳಿಬೈಲ್‌ ನಲ್ಲಿ ಕೋವಿಡ್ ಕಾಣಿಸಿಕೊಂಡಿತ್ತು.

ಇನ್ನೊಂದು ಪ್ರಕರಣದಲ್ಲಿ 25 ವರ್ಷದ ಯುವಕನಿಗೆ ಕೋವಿಡ್ ದೃಢಪಟ್ಟಿದ್ದು, ಈತ ದೆಹಲಿಯಿಂದ ಬಂದವನಾಗಿದ್ದಾನೆ.