Thirthahalli ವಾಣಿಜ್ಯ ಕ್ಷೇತ್ರದಲ್ಲಿ ಕು. ಅರ್ಪಿತಾಳ ಸಾಧನೆ

Team Udayavani, Jul 12, 2024, 7:36 PM IST

ತೀರ್ಥಹಳ್ಳಿ: ಭವಿಷ್ಯವನ್ನು ರೂಪಿಸಿಕೊಳ್ಳಲು ವಿಜ್ಞಾನ ಕ್ಷೇತ್ರದಲ್ಲಿ ಮಾತ್ರ ಸಾಧ್ಯ ಎನ್ನುವುದು ಹಲವರ ಮತ ! ಆದರೆ ಇದನ್ನು ಹೊರತುಪಡಿಸಿದ ಮಾರ್ಗಗಳು ಇವೆಯೆಂದು, ಚಾರ್ಟೆಡ್ ಅಕೌಂಟೆಂಟ್ ಆಗುವ ಮೂಲಕ ಸಾಬೀತು ಪಡಿಸಿದವರು ಆರಗದ ನೇತ್ರಾವತಿ ಮತ್ತು ದತ್ತಾತ್ರಿ ಇವರ ಪುತ್ರಿ, ವಾಗ್ದೇವಿ ಶಿಕ್ಷಣ ಸಂಸ್ಥೆಯ ವಿದ್ಯಾರ್ಥಿನಿ ಕು.ಅರ್ಪಿತಾ.

ವಾಗ್ದೇವಿ ಆಂಗ್ಲಮಾಧ್ಯಮ ಪ್ರೌಢಶಾಲೆಯಲ್ಲಿ (2015-16) ಶೇ 98 ಅಂಕಗಳನ್ನು ಪಡೆಯುವುದರ ಮೂಲಕ ಎಸ್.ಎಸ್.ಎಲ್.ಸಿ ವಿದ್ಯಾಭ್ಯಾಸವನ್ನು ಮುಗಿಸಿದ ಇವರು, ವಿಜ್ಞಾನ ಕ್ಷೇತ್ರಕ್ಕೆ, ಹಿರಿಯರ ಮಾರ್ಗದರ್ಶನವಿದ್ದರೂ ಸಹ ಸಿ.ಎ ಆಗುವ ಕನಸನ್ನು ಹೊತ್ತು ವಾಗ್ದೇವಿ ಪಿ.ಯು ಕಾಲೇಜಿನಲ್ಲಿ ವಾಣಿಜ್ಯ ವಿಭಾಗವನ್ನು ಸೇರಿಕೊಂಡರು.

ಅತ್ಯುತ್ತಮವಾಗಿ ವ್ಯಾಸಂಗ ಮಾಡಿ 2017-18 ರಲ್ಲಿ ನಡೆದ ದ್ವಿತೀಯ ಪಿ.ಯು.ಸಿ ವಾರ್ಷಿಕ ಪರೀಕ್ಷೆಯಲ್ಲಿ ಜಿಲ್ಲೆಗೆ ಪ್ರಥಮ ಸ್ಥಾನವನವನ್ನು ( ಶೇ 98 ಅಂಕಗಳನ್ನು) ಪಡೆದರು.

ಭವಿಷ್ಯವನ್ನು ರೂಪಿಸಿಕೊಳ್ಳಲು ವಾಗ್ದೇವಿಯ ಮಾರ್ಗದರ್ಶನದಲ್ಲಿ ಉಡುಪಿಯ ತ್ರಿಶಾ ಕಾಲೇಜಿನಲ್ಲಿ ಅಧ್ಯಯನ ಮಾಡಿ ಚಾರ್ಟೆಡ್ ಅಕೌಂಟೆಂಟ್ (C.A) ಆಗುವಲ್ಲಿ, ಯಶಸ್ವಿಯಾಗಿದ್ದಾರೆ. ವಾಗ್ದೇವಿ ಪಿ.ಯು ಕಾಲೇಜು ವಿಜ್ಞಾನ ವಿಭಾಗಕ್ಕೆ ನೀಡಬಹುದಾದ ಪ್ರಾಶಸ್ತ್ಯ ಮತ್ತು ಉತ್ತೇಜನವನ್ನು ವಾಣಿಜ್ಯ ವಿಭಾಗಕ್ಕೂ ನೀಡುತ್ತಲೇ ಬಂದಿದೆ. ಇದಕ್ಕೆ ಉದಾಹರಣೆ ಈ ವಿದ್ಯಾರ್ಥಿನಿಯ ಅಭೂತಪೂರ್ವವಾದ ಸಾಧನೆ.

ಈ ಸಾಧನೆಯನ್ನು ಶಿಕ್ಷಣ ಸಂಸ್ಥೆಯ ಅಧ್ಯಕ್ಷರು ಸದಸ್ಯರು, ಉಪನ್ಯಾಸಕವೃಂದ ಹಾಗೂ ಪೋಷಕರು ಅಭಿನಂದಿಸಿ ಉತ್ತಮ ಭವಿಷ್ಯ ರೂಪುಗೊಳ್ಳಲಿ ಎಂದು ಹಾರೈಸಿದ್ದಾರೆ.