Kunigal; ಅಕ್ರಮವಾಗಿ ಸಾಗಿಸುತ್ತಿದ್ದ 1285 ಕೆ.ಜಿ ಗೋಮಾಂಸ ವಶ : ಓರ್ವ ಅರೆಸ್ಟ್

Team Udayavani, Feb 17, 2024, 5:32 PM IST

ಕುಣಿಗಲ್ : ಅಕ್ರಮವಾಗಿ ಬೆಂಗಳೂರಿಗೆ ಸಾಗಿಸುತ್ತಿದ್ದ 1285 ಕೆ.ಜಿ ಗೋ ಮಾಂಸವನ್ನು ಕುಣಿಗಲ್ ಪೊಲೀಸರು ಜಪ್ತಿ ಮಾಡಿ ಓರ್ವನನ್ನು ಬಂಧಿಸಿರುವ ಘಟನೆ ತಾಲೂಕಿನ ರಾಷ್ಟ್ರೀಯ ಹೆದ್ದಾರಿ 75 ಗವಿಮಠ ಬಳಿ ಶನಿವಾರ ನಡೆದಿದೆ.ಬೆಂಗಳೂರಿನ ಪೀಣ್ಯ ಮೂಲದ ಗೂಡ್ಸ್ ವಾಹನ ಚಾಲಕ ಅಸೀಪ್‌ ಪಾಷ (೨೪) ಬಂಧಿತ ಆರೋಪಿ.

ಹಾಸನ ಜಿಲ್ಲೆ ಚನ್ನರಾಯಪಟ್ಟಣದಲ್ಲಿ ಗೂಡ್ಸ್ ವಾಹನ ಚಾಲಕ ಅಸೀಪ್‌ ಪಾಷ ಕಟಾವು ಮಾಡಿ, ಮಾರಾಟಕೆಂದು ಬೆಂಗಳೂರಿಗೆ ಸಾಗಿಸುತ್ತಿದ್ದನ್ನು ಶನಿವಾರ ಬೆಳಗಿನ ಜಾವ 4-45 ರ ವೇಳೆ ಬಜರಂಗ ದಳದ ಕಾರ್ಯಕರ್ತರೊಬ್ಬರು ವಾಹನದಲ್ಲಿ ಅಕ್ರಮವಾಗಿ ಗೋವುಗಳನ್ನು ಹತ್ಯೆ ಮಾಡಿ ವಾಹದಲ್ಲಿ ತುಂಬಿಕೊಂಡು ಬೆಂಗಳೂರಿಗೆ ಕುಣಿಗಲ್ ಬೈಪಾಸ್ ಮಾರ್ಗವಾಗಿ ಸಾಗಾಣಿಕೆ ಮಾಡುತ್ತಿದ್ದಾರೆ ಎಂಬ ಮಾಹಿತಿ ನೀಡಿದ್ದಾರೆ.

ಕುಣಿಗಲ್ ಪೋಲಿಸರಿಗೆ ಮತ್ತು 112 ಸಹಾಯವಾಣಿಗೆ ಎಸ್.ಎಲ್.ಗಿರೀಶ್ ಎನ್ನುವವರು ಮಾಹಿತಿ ನೀಡಿದ್ದು, ಪೊಲೀಸರು ಕುಣಿಗಲ್ ಗವಿಮಠ ಬ್ರಿಡ್ಜ್ ಹತ್ತಿರ ವಾಹವನ್ನು ನಿಲ್ಲಿಸಿ ಪರಿಶೀಲಿಸಿದಾಗ ವಾಹನದಲ್ಲಿ ಕಟಾವು ಮಾಡಿದ ಸುಮಾರು 1285 ಕೆ.ಜಿ ಗೋಮಾಂಸ ಕಂಡು ಬಂದಿದ್ದು, ಎಸ್.ಎಲ್.ಗಿರೀಶ್ ನೀಡಿರುವ ದೂರಿನ ಅನ್ವಯ ಕುಣಿಗಲ್ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಂಡಿದ್ದಾರೆ.