ರೈತರ ನೆರವಿಗೆ ನಿಂತ ಶಾಸಕ

Team Udayavani, Apr 12, 2020, 5:56 PM IST

ಸಾಂದರ್ಭಿಕ ಚಿತ್ರ

ಕುಣಿಗಲ್‌: ತಾಲೂಕಿನಲ್ಲಿ ಲಾಕ್‌ಡೌನ್‌ನಿಂದ ಸಂಕಷ್ಟಕ್ಕೆ ಸಿಲುಕಿರುವ ರೈತರ ಜಮೀನುಗಳಿಗೆ ಶಾಸಕ ಡಾ.ರಂಗನಾಥ್‌ ಭೇಟಿ ನೀಡಿ ರೈತರ ಹಣ್ಣು
ತರಕಾರಿಗಳನ್ನು ಖರೀದಿ ಮಾಡುತ್ತಿದ್ದಾರೆ. ಹಣ್ಣು ತರಕಾರಿ ಬೆಳೆದ ರೈತರು ಲಾಕ್‌ಡೌನ್‌ನಿಂದ ಮಾರುಕಟ್ಟೆ ವ್ಯವಸ್ಥೆ ಇಲ್ಲದೇ ಜಮೀನಿನಲ್ಲೇ ಹಣ್ಣು
ತರಕಾರಿಗಳನ್ನು ಕೀಳದೆ ಕಂಗಾಲಾಗಿದ್ದರು. ಈ ಸಂಬಂಧ ಸಂಸದ ಡಿ.ಕೆ.ಸುರೇಶ್‌ ಹಾಗೂ ಶಾಸಕ ಡಾ.ರಂಗನಾಥ್‌ ಸಂಕಷ್ಟದಲ್ಲಿರುವ ರೈತರ ಹಣ್ಣು
ತರಕಾರಿಗಳನ್ನು ಖುದ್ದು ಭೇಟಿ ನೀಡಿ ಖರೀದಿ ಮಾಡಿ ಕ್ಷೇತ್ರದ ಜನತೆಗೆ ಉಚಿತವಾಗಿ ವಿತರಣೆ ಮಾಡುತ್ತಿರುವ ಕೆಲಸ ಆರಂಭಿಸಿದ್ದರು.

ರೈತರು ನೇರವಾಗಿ ಶಾಸಕ ಡಾ.ರಂಗನಾಥ್‌ಗೆ ಕರೆ ಮಾಡಿ ನಾವು ಇಂಥ ಹಣ್ಣು ತರಕಾರಿ ಬೆಳೆದಿದ್ದೇವೆ ಎಂದು ಮಾಹಿತಿ ನೀಡಿ ಖರೀದಿ ಮಾಡುವಂತೆ
ಕೇಳಿಕೊಂಡಿದ್ದಾರೆ ಇದಕ್ಕೆ ತಕ್ಷಣ ಸ್ಪಂದಿಸಿದ ಶಾಸಕ ಡಾ.ರಂಗನಾಥ್‌ ತಾಲೂಕಿನ ಕಿನ್ನಾಮಂಗಲ ಗೊಲ್ಲರಹಟ್ಟಿಯಲ್ಲಿ 3 ಎಕರೆಯಲ್ಲಿ ಕುಂಬಳಕಾಯಿ
ಬೆಳೆದಿದ್ದ ರೈತ ಚಂದ್ರಪ್ಪ ಅವರ ತೋಟಕ್ಕೆ ಭೇಟಿ ನೀಡಿ 10 ಟನ್‌ ಕುಂಬಳಕಾಯಿ ಖರೀದಿ ಮಾಡಿದರು. ಮುಂಗಡವಾಗಿ 10 ಸಾವಿರ ಹಣ ನೀಡಿ ಉಳಿಕೆ
ಹಣವನ್ನು ಕುಂಬಳ ಕಾಯಿಕಳುಹಿಸಿದ ತಕ್ಷಣವೇ ಕೊಡುವುದಾಗಿ ತಿಳಿಸಿದರು. ತಾಲೂಕಿನ ಶೆಟ್ಟಿಗೆರೆ ರೈತರ ಜಮೀನಿನಲ್ಲಿ ಟಮೊಟೋ ಖರೀದಿ ಮಾಡಲು ಶಾಸಕ ಡಾ.ರಂಗನಾಥ್‌ ಭೇಟಿ ನೀಡಿದ ಸಂದರ್ಭದಲ್ಲಿ  ಶಾಸಕರಿಗೆ ಎಳನೀರು ಕೊಡಲು ರೈತ ಕಾಲಿಗೆ ತೆಂಗಿನ ಮರ ಏರುವ ಸಲಕರಣೆ ಅಳವಡಿಸಿಕೊಂಡು ಮರ ಏರುತ್ತಿರುವುದುನ್ನು ಕಂಡು ನಾನು ಒಮ್ಮೆ ಪ್ರಯತ್ನಿಸಲೇ ಎಂದು ಶಾಸಕ ಡಾ.ರಂಗನಾಥ್‌ ಕಾಲಿಗೆ ಸಲಕರಣೆ ಅಳವಡಿಸಿಕೊಂಡು ತೆಂಗಿನ ಮರದ ಅರ್ಧದವರೆಗೂ ಏರಿ ಇಳಿದರು.