ಚಲಿಸುತ್ತಿದ್ದ ರೈಲಿನಲ್ಲಿಹೊಗೆ:ರೈಲ್ವೆ ಸಿಬ್ಬಂದಿ ಪರಿಶೀಲನೆ

Team Udayavani, Dec 21, 2017, 2:51 PM IST

ತುಮಕೂರು: ವೇಗವಾಗಿ ಚಲಿಸುತ್ತಿದ್ದ ರೈಲಿನ ಬೋಗಿಯಲ್ಲಿ ಹೊಗೆ ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ಕೆಲ ಹೊತ್ತು ರೈಲು ನಿಲ್ಲಿಸಿ ಪರಿಶೀಲನೆ ನಡೆಸಿದ ಘಟನೆ ನಗರ ಸಮೀಪದ ಹಿರೇಹಳ್ಳಿಯಲ್ಲಿ ಬುಧವಾರ ನಡೆದಿದೆ.

ಶಿವಮೊಗ್ಗ ಇಂಟರ್‌ ಸಿಟಿ ರೈಲು ಬೆಂಗಳೂರಿನಿಂದ ತುಮಕೂರು ಕಡೆಗೆ ಬರುತ್ತಿತ್ತು ಈ ವೇಳೆಯಲ್ಲಿ ಹಿರೇಹಳ್ಳಿ ಬಳಿ ರೈಲಿನ ಬೋಗಿಯಲ್ಲಿ ಹೊಗೆ ಕಾಣಿಸಿಕೊಂಡಿತು, ಇದರಿಂದ ಆತಂಕಗೊಂಡ ಪ್ರಯಾಣಿಕರು ರೈಲಿನಲ್ಲಿಹೊಗೆ ಕಾಣಿಸಿಕೊಂಡಿದೆಯಲ್ಲಾ ಎಂದು ಭಯಪಟ್ಟರು.

ತಕ್ಷಣವೆ ರೈಲನ್ನು ಚಾಲಕ ನಿಲ್ಲಿಸಿದ್ದು ಇದರಿಂದ ಯಾವುದೇ ರೀತಿಯ ತೊಂದರೆ ಉಂಟಾಗಿಲ್ಲಾ ರೈಲು ನಿಲ್ಲಿಸಿದ ತಕ್ಷಣ ಪ್ರಯಾಣಿಕರು ಕೆಳಗಿಳಿದು ನೋಡಿದ್ದಾರೆ ಆದರೆ ಎಲ್ಲೂ ಬೆಂಕಿ ಕಾಣಿಸಿಕೊಂಡಿಲ್ಲಾ ನಂತರ ವಿಷಯ ತಿಳಿದ ತಕ್ಷಣ ರೈಲ್ವೇ ಪೊಲೀಸರು ಸ್ಥಳಕ್ಕೆ ಬೇಟಿ ನೀಡಿ ಪರಿಶೀಲನೆ ನಡೆಸಿದರು.

ರೈಲು ವೇಗವಾಗಿ ಬರುವಾಗ ಚಕ್ರದಲ್ಲಿ ಹೊಗೆ ಕಾಣಿಸಿರಬಹುದೆಂದು ಶಂಕೆ ವ್ಯಕ್ತಪಡಿಸಿ ಯಾವುದೇ ತೊಂದರೆ ಇಲ್ಲದೆ ರೈಲು ಪ್ರಯಾಣ ಬೆಳೆಸಿತು ಆದರೆ ಕೆಲ ಹೊತ್ತು ಪ್ರಯಾಣಿಕರು ಆತಂಕ ಪಟ್ಟರು ಏನೂ ತೊಂದರೆ ಇಲ್ಲಾ ಎಂದು ಖಚಿತ ಪಡಿಸಿಕೊಂಡ ಮೇಲೆ ಪ್ರಯಾಣಿಕರು ರೈಲ್‌ ನಲ್ಲಿ ಪ್ರಯಾಣ ಬೆಳೆಸಿದರು.