Soldier: ಪಾವಗಡ; ಅನಾರೋಗ್ಯದಿಂದ ಯೋಧ ನಿಧನ

Team Udayavani, Oct 16, 2023, 2:03 PM IST

ಪಾವಗಡ: ಅನಾರೋಗ್ಯದಿಂದ ಯೋಧರೊಬ್ಬರು ಮೃತಪಟ್ಟ ಘಟನೆ ಆ.16ರ ಭಾನುವಾರ ನಡೆದಿದೆ.

ಎಸ್.ಜಿ. ಸುರೇಶ್ ಕುಮಾರ್ (36) ಮೃತ ಯೋಧ.

ಪಾವಗಡ ತಾಲೂಕಿನ ಶ್ರೀರಂಗಪುರ ಗ್ರಾಮದ ಜಯರಾಮ ರೆಡ್ಡಿ, ಸುಧಮ್ಮ ದಂಪತಿಗಳ ಹಿರಿಯ‌ ಪುತ್ರ ಸುರೇಶ್ ಕುಮಾರ್.

ಬಿಎಸ್ಎಫ್ ಯೋಧನಾಗಿದ್ದ ಸುರೇಶ್ ಪಂಜಾಬ್ ನ ಪಠಾಣ್ ಕೋಟ್ ಎಂಬಲ್ಲಿ ಕಾರ್ಯನಿರ್ವಹಿಸುತ್ತಿದ್ದರು. ಅವರು ಕಿಡ್ನಿ ವೈಪಲ್ಯದಿಂದ ಚಂಡಿಗಢ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೇ ನಿನ್ನೆ ಸಂಜೆ ಸಾವನಪ್ಪಿದರು.

ಒಂದು ತಿಂಗಳ ಹಿಂದೆ ಊರಿಗೆ ಬಂದು ಹೋಗಿದ್ದ ಯೋಧ ಸುರೇಶ್,‌ ಪತ್ನಿ ಹಾಗೂ ಇಬ್ಬರು ಮಕ್ಕಳನ್ನು ಅಗಲಿದ್ದಾರೆ.

ಯೋಧ ಸುರೇಶ್ ಅವರ ಪಾರ್ಥಿವ ಶರೀರ ಇಂದು ಸ್ವಗ್ರಾಮಕ್ಕೆ ಆಗಮಿಸಲಿದ್ದು, ನಾಳೆ ಸ್ವಗ್ರಾಮದಲ್ಲಿ ಅಂತ್ಯಕ್ರಿಯೆ ನಡೆಯಲಿದೆ ಎಂದು ಮೂಲಗಳು ತಿಳಿಸಿವೆ.