Tumkur: ತುಮಕೂರಲ್ಲಿ ದಲಿತ ಮಹಿಳೆ ಹ*ತ್ಯೆ: 21 ಅಪರಾಧಿಗಳಿಗೆ ಜೀವಾವಧಿ ಶಿಕ್ಷೆ

Team Udayavani, Nov 22, 2024, 9:50 AM IST

ಉದಯವಾಣಿ ಸಮಾಚಾರ
ತುಮಕೂರು ಗ್ರಾಮಾಂತರ: ಕೊಪ್ಪಳ ಜಿಲ್ಲೆಯ ಮರಕಂಬಿ ಗ್ರಾಮದ 98 ಮಂದಿಗೆ ನ್ಯಾಯಾಲಯ ಜೀವಾವಧಿ ಶಿಕ್ಷೆ ವಿಧಿಸಿದ ಘಟನೆ ಮಾಸುವ ಮುನ್ನವೇ, ತುಮಕೂರಿನಲ್ಲಿಯೂ ಪರಿಶಿಷ್ಟ ಜಾತಿ ಮಹಿಳೆಯ ಬರ್ಬರ ಹತ್ಯೆ, ಜಾತಿ ನಿಂದನೆ
ಪ್ರಕರಣದಲ್ಲಿ 21 ಮಂದಿ ಅಪರಾಧಿಗಳಿಗೆ ಮೂರನೇ ಅಧಿಕ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯ ಗುರುವಾರ ಜೀವಾವಧಿ ಶಿಕ್ಷೆ ಹಾಗೂ 2,83,500 ರೂ. ದಂಡ ವಿಧಿಸಿದೆ.

ಒಟ್ಟು 21 ಅಪರಾಧಿಗಳ ಪೈಕಿ ಇಬ್ಬರು ಮಹಿಳೆಯರು, 19 ಜನ ಪುರುಷರಿದ್ದಾರೆ. ಚಿಕ್ಕನಾಯಕನಹಳ್ಳಿ ತಾ. ಹಂದನಕೆರೆ ಠಾಣಾ ವ್ಯಾಪ್ತಿಯ ಗೋಪಾಲ ಪುರದಲ್ಲಿ 2010ರ ಜೂನ್‌ 28ರಂದು ಹೊನ್ನಮ್ಮ ಕೊಲೆ ನಡೆದಿತ್ತು.

ಹೊನ್ನಮ್ಮ ಮರದ ತುಂಡು ಸಂಗ್ರಹಿಸಿ ಇಟ್ಟಿದ್ದು, ಕಳವು ಹಿನ್ನೆಲೆ ಪೊಲೀಸರಿಗೆ ದೂರು ನೀಡಿದ್ದರಿಂದ ಕೊಲೆ ಮಾಡಿದ್ದರು.27
ಆರೋಪಿಗಳ ಮೇಲೆ ದೂರು ದಾಖಲಾಗಿತ್ತು. ಈಗಾಗಲೇ 6 ಮಂದಿ ಸಾವನ್ನಪ್ಪಿದ್ದಾರೆ.