ಟಿಕ್‌-ಟಾಕ್‌ಗೆ ಯುವಕನ ಸ್ಪೈನಲ್ ಕಾರ್ಡ್‌ ಮುರಿತ

Team Udayavani, Jun 18, 2019, 11:56 AM IST

ಟಿಕ್‌ ಟಾಕ್‌ ಮಾಡಲು ಹೋಗಿ ಅಮೂಲ್ಯವಾದ ಜೀವನ ಕಳೆದುಕೊಂಡ ಕುಮಾರ್‌.

ಚಿಕ್ಕನಾಯಕನಹಳ್ಳಿ: ತಾಲೂಕಿನ ಗೋಡೆಕೆರೆ ಗ್ರಾಮದ ಕುಮಾರ್‌ ಎಂಬುವವನು ಟಿಕ್‌ ಟಾಕ್‌ ಗೀಳಿಗೆ ಹೋಗಿ ಸ್ಪೈನಲ್ ಕಾರ್ಡ್‌ ಮುರಿದು ಕೊಂಡಿದ್ದು. ಮನೆಗೆ ಆಸರೆಯಾಗಿದ್ದ ಯುವಕ ಸಾವು-ಬದುಕಿನ ನಡುವೆ ಹೋರಾಟ ನಡೆಸುವಂತಾಗಿದೆ.

ಕುಮಾರ್‌ ಸ್ನೇಹಿತರ ಜೊತೆ ಶನಿವಾರ ಟಿಕ್‌ಟಾಕ್‌ನಲ್ಲಿ ಸಾಹಸ ಮಾಡಲು ಹೋಗಿ ಆಯತಪ್ಪಿ ಬಿದ್ದು, ಸ್ಪೈನಲ್ ಕಾರ್ಡ್‌ ಮುರಿದಿದ್ದು, ನಡೆದಾಡಲು ಸಾಧ್ಯವಾಗದೇ ಬೆಂಗಳೂರಿನ ಆಸ್ಪತ್ರೆಯಲ್ಲಿ ಮಲಗಿದ್ದಲ್ಲೆ ದಿನ ದೂಡುವಂತಾಗಿದೆ.

ಕುಟುಂಬದ ಆಧಾರ: ಬಡತನದಲ್ಲಿ ಬೆಳೆದಿದ್ದ ಕುಮಾರ್‌, ರಸಮಂಜರಿಗಳಲ್ಲಿ ಹಾಡುವ ಮೂಲಕ ಬಂದ ಹಣದಲ್ಲಿ ಕುಟುಂಬ ನಿರ್ವಹಿಸುತ್ತಿದ್ದ. ಸಾಮಾಜಿಕ ಜಾಲತಾಣಗಳಲ್ಲಿ ಪ್ರತಿಭೆ ಹೊರಹಾಕಿದರೆ ಅವಕಾಶ ಸಿಗುತ್ತದೆ ಎಂಬ ಆಸೆ ಬದುಕಿಗೆ ಎರವಾಗಿದೆ.

ಸಹಾಯಕ್ಕೆ ಮೊರೆ: ಚಿಕಿತ್ಸೆಗೆ 10 ಲಕ್ಷ ರೂ. ಖರ್ಚಾಗಲಿದ್ದು, ತಂದೆ-ತಾಯಿ ಬಳಿ ಹಣವಿಲ್ಲ. ನೆರವಿಗೆ ಕುಟುಂಬ ಮನವಿ ಮಾಡಿದೆ.