Missing Case: ಕಾಪು ಪೇಟೆಗೆ ಹೋದ ವ್ಯಕ್ತಿ ನಾಪತ್ತೆ

Team Udayavani, Jan 13, 2025, 11:12 PM IST

ಕಾಪು: ಕಾಪು ಪೇಟೆಯಲ್ಲಿ ಚಹಾ ಮಾರಿಕೊಂಡಿದ್ದ ಉಳಿಯಾರಗೋಳಿ ನಿವಾಸಿ ರಾಮ ದೇವಾಡಿಗ (64) ಜ. 10ರಿಂದ ನಾಪತ್ತೆಯಾಗಿದ್ದಾರೆ.

ಕುಂಜೂರು ಮೂಲದ ಅವರು ದುಬಾೖಯಲ್ಲಿದ್ದರು. ಎರಡು ತಿಂಗಳ ಹಿಂದೆ ಅಲ್ಲಿಂದ ಮರಳಿದ್ದು ಕಾಪು ಉಳಿಯಾರಗೋಳಿಯಲ್ಲಿ ವಾಸವಿದ್ದರು. ಕಾಪು ಪೇಟೆಯಲ್ಲಿ ಚಹಾ ಮಾರಿಕೊಂಡು ಜೀವನ ಸಾಗಿಸುತ್ತಿದ್ದರು.

ಜ. 10ರಂದು ಬೆಳಗ್ಗೆ ಚಹಾ ಮಾರಾಟ ಮಾಡಿ ಮನೆಗೆ ಬಂದು ಮಧ್ಯಾಹ್ನ 1 ಗಂಟೆಗೆ ತರಕಾರಿ ತರುವುದಾಗಿ ಕಾಪು ಪೇಟೆಗೆ ಹೋದವರು ಮರಳಿ ಬಂದಿರುವುದಿಲ್ಲ.

ಮೊಬೈಲ್‌ಗೆ ಕರೆ ಮಾಡಿದಾಗ ಕರೆಯನ್ನು ಸ್ವೀಕರಿಸಿರುವುದಿಲ್ಲ. ಮೂಲ ಮನೆ ಕುಂಜೂರಿನ ಕುಟುಂಬಸ್ಥರಲ್ಲಿ, ನೆರೆಮನೆಯವರಲ್ಲಿ ಹಾಗೂ ಸಂಬಂಧಿಕರಲ್ಲಿ ವಿಚಾರಿಸಿದ್ದು ಯಾರಿಗೂ ಅವರ ಬಗ್ಗೆ ಮಾಹಿತಿ ಇಲ್ಲ ಎಂದು ಪತ್ನಿ ಶಾಲಿನಿ ಕಾಪು ಪೊಲೀಸ್‌ ಠಾಣೆಗೆ ನೀಡಿರುವ ದೂರಿನಲ್ಲಿ ತಿಳಿಸಿದ್ದಾರೆ. ಪ್ರಕರಣ ದಾಖಲಾಗಿದೆ.

ವ್ಯಕ್ತಿ ನಾಪತ್ತೆ
ಉಡುಪಿ: ಕೊರಂಗ್ರಪಾಡಿ ಗ್ರಾಮದ ಕೆಮೂ¤ರು ನಿವಾಸಿ ದೇವದಾಸ್‌ ಪೂಜಾರಿ (75) ಅವರು ಡಿ. 1ರಂದು ಮನೆಯಿಂದ ಹೊರಗೆ ಹೋದವರು ನಾಪತ್ತೆಯಾಗಿದ್ದಾರೆ ಎಂದು ನಗರ ಠಾಣೆಯಲ್ಲಿ ದೂರು ದಾಖಲಾಗಿದೆ.

ಅವರ ಬಗ್ಗೆ ಮಾಹಿತಿ ದೊರೆತಲ್ಲಿ ಹತ್ತಿರದ ಪೊಲೀಸ್‌ ಠಾಣೆಗೆ ಮಾಹಿತಿ ನೀಡುವಂತೆ ಠಾಣೆಯ ಪ್ರಕಟನೆ ತಿಳಿಸಿದೆ.