Udupi: ರೈಲು ಬಡಿದು ವ್ಯಕ್ತಿ ಸಾವು

Team Udayavani, Nov 16, 2024, 9:21 PM IST

ಉಡುಪಿ: ಚಲಿಸುತ್ತಿದ್ದ ರೈಲು ಬಡಿದು ಬ್ರಹ್ಮಾವರ ತಾಲೂಕಿನ ಹೇರೂರು ಮೂಲದ ವ್ಯಕ್ತಿಯೋರ್ವ ಸ್ಥಳದಲ್ಲಿಯೇ ಮೃತಪಟ್ಟ ಘಟನೆ ಮುರುಡೇಶ್ವರ ಹೈವೇ ಹೊಟೇಲ್‌ ಎದುರುಗಡೆ ರೈಲ್ವೇ ಹಳಿ ಮೇಲೆ ಸಂಭವಿಸಿದೆ.

ಮೃತ ವ್ಯಕ್ತಿ ಹೇರೂರಿನ ಕೆಪಿಟಿಸಿಎಲ್‌ ಸಬ್‌ ಸ್ಟೇಶನ್‌ ಎದುರುಗಡೆ ನಿವಾಸಿ ಸಂದೀಪ ಕೆ.ಆರ್‌. (44) ಎಂದು ಗುರುತಿಸಲಾಗಿದೆ. ಅವರು ಯಾವುದೋ ಕಾರಣಕ್ಕೆ ಮುರುಡೇಶ್ವರ ಹೈವೇ ಹೊಟೇಲ್‌ ಮುಂದೆ ಇರುವ ರೈಲ್ವೇ ಹಳಿಯ ಹತ್ತಿರ ಹೋಗುತ್ತಿರುವಾಗ ಬೆಂಗಳೂರು-ಮೈಸೂರುನಿಂದ ಮುರುಡೇಶ್ವರಕ್ಕೆ ಸಾಗುತ್ತಿದ್ದ ರೈಲು ಬಡಿದು ತೀವ್ರ ಗಾಯಗೊಂಡು ಸ್ಥಳದಲ್ಲಿಯೇ ಮೃತ ಪಟ್ಟರು ಎನ್ನಲಾಗಿದೆ.

ಈ ಕುರಿತು ಮುರುಡೇಶ್ವರ ರೈಲ್ವೇ ಸ್ಟೇಷನ್‌ ಮಾಸ್ಟರ್‌ ಉಮೇಶ ನಾಯ್ಕ ಅವರು ಮುರುಡೇಶ್ವರ ಪೊಲೀಸ್‌ ಠಾಣೆಯಲ್ಲಿ ನೀಡಿದ ದೂರಿನಂತೆ ಪ್ರಕರಣ ದಾಖಲಾಗಿದೆ.