ಅಜೆಕಾರು ಪೇಟೆ: ಚರಂಡಿಯ ಹೂಳು ಸ್ವಚ್ಛ

Team Udayavani, Jun 18, 2019, 6:26 AM IST

ಅಜೆಕಾರು: ಮರ್ಣೆ ಪಂಚಾಯತ್‌ ವ್ಯಾಪ್ತಿಯ ಅಜೆಕಾರು ಪೇಟೆಯ ಚರಂಡಿಗಳಲ್ಲಿ ತುಂಬಿ ಹೋಗಿರುವ ಪ್ಲಾಸ್ಟಿಕ್‌ ತ್ಯಾಜ್ಯ ಸೇರಿದಂತೆ ಹೂಳನ್ನು ತೆಗೆದು ಮಳೆಗಾಲದಲ್ಲಿ ನೀರು ಸರಾಗವಾಗಿ ಹರಿದು ಹೋಗುವಂತೆ ಪಂಚಾಯತ್‌ ಆಡಳಿತ ಕ್ರಮಕೈಗೊಂಡಿದೆ.

ಮಳೆಗಾಲ ಪ್ರಾರಂಭ ವಾಗುತ್ತಿದ್ದರು ಪೇಟೆ ಚರಂಡಿಯ ಹೂಳೆತ್ತದಿರುವ ಬಗ್ಗೆ ಪತ್ರಿಕೆಯು ಮೇ 29ರಂದು ವರದಿ ಪ್ರಕಟಿಸಿತ್ತು. ಈ ಬಗ್ಗೆ ಸ್ಪಂದಿಸಿದ ಪಂಚಾಯತ್‌ ಆಡಳಿತ ಪ್ಲಾಸ್ಟಿಕ್‌ ತ್ಯಾಜ್ಯಗಳನ್ನು ವಿಲೇವಾರಿ ಮಾಡಿ ಇದೀಗ ಹೂಳನ್ನು ಸಂಪೂರ್ಣವಾಗಿ ತೆಗೆದಿದೆ.

ಅಜೆಕಾರು ಪೇಟೆ, ಮಾರುಕಟ್ಟೆ ಪ್ರದೇಶಗಳ ಮುಚ್ಚಿಹೊಗಿರುವ ಚರಂಡಿ ಯನ್ನು ಮತ್ತೆ ನೀರು ಹರಿ ಯುವಂತೆ ಮಾಡಲಾಗಿದೆ. ಈ ಸಂದರ್ಭ ಪಂಚಾಯತ್‌ ಅಧ್ಯಕ್ಷ ದಿನೇಶ್‌ ಕುಮಾರ್‌, ಪಿಡಿಒ ತಿಲಕ್‌ ರಾಜ…, ಕಾರ್ಯದರ್ಶಿ ಶ್ರೀನಿವಾಸ್‌ ಉಪಸ್ಥಿತರಿದ್ದರು.