ಕರ್ಜೆಯ ಅಂಜಲಿ ವಾಟರ್‌ ಪಾರ್ಕ್‌: ಪ್ರವಾಸಿಗರ ಸ್ವರ್ಗ

Anjali Water Park, Karje,ಅಂಜಲಿ ವಾಟರ್‌ ಪಾರ್ಕ್‌,ಕರ್ಜೆ

Team Udayavani, Mar 29, 2019, 6:00 AM IST

ಬ್ರಹ್ಮಾವರ: ಸ್ನೇಹಿತರು, ಮಕ್ಕಳು, ಕುಟುಂಬಸ್ಥರೊಂದಿಗೆ ಸಂತೋಷವನ್ನು ಹಂಚಿಕೊಳ್ಳಲು ಕರ್ಜೆಯ ಅಂಜಲಿ ವಾಟರ್‌ ಪಾರ್ಕ್‌ ಉತ್ತಮ ಅವಕಾಶ ಕಲ್ಪಿಸಿದೆ. ಪ್ರಕೃತಿಯ ಮಡಿಲಿನ ಪ್ರಶಾಂತ ವಾತಾವರಣದಲ್ಲಿ ನಿರ್ಮಾಣಗೊಂಡ ವಾಟರ್‌ಪಾರ್ಕ್‌ ಪ್ರವಾಸಿಗರನ್ನು ಕೈ ಬೀಸಿ ಕರೆಯುತ್ತಿದೆ. ಮನಃಶಾಂತಿಗೆ, ವಾರಾಂತ್ಯದ ಉಲ್ಲಾಸಕ್ಕೆ ಉತ್ತಮ ವೇದಿಕೆಯಾಗಿದೆ.

ವೈಶಿಷ್ಟ್ಯಗಳು
ಪಾರ್ಕ್‌ನಲ್ಲಿ ವೇವ್‌ ಫೂಲ್‌, ರೈನ್‌ ಡ್ಯಾನ್ಸ್‌, ಸ್ಲೆಡ್ಸ್‌, ಬೇಬಿ ಪೂಲ್‌ ಆಕರ್ಷಣೀಯವಾಗಿದೆ. ಪಾರ್ಟಿ ಹಾಲ್‌, ಫುಡ್‌ ಪಾರ್ಕ್‌ ಸೌಲಭ್ಯವನ್ನು ಹೊಂದಿದೆ. ಮುಖ್ಯವಾಗಿ ಎಲ್ಲಾ ವಯೋಮಾನದವರು ಭೇಟಿ ನೀಡಲು ಸೂಕ್ತ ಸ್ಥಳವಾಗಿದೆ. ಏಕಕಾಲದಲ್ಲಿ ಸುಮಾರು 500 ಪ್ರವಾಸಿಗರು ಭಾಗವಹಿಸುವಷ್ಟು ವಿಶಾಲವಾಗಿದೆ.

ಸೌಲಭ್ಯಗಳು: ಲಗೇಜ್‌ಗೆ ಲಾಕರ್‌ ಸೌಲಭ್ಯ, ಬಟ್ಟೆ ಬದಲಿಸಲು ಪ್ರತ್ಯೇಕ ರೂಮ್‌ ವ್ಯವಸ್ಥೆ, ತರಬೇತಿ ಪಡೆದ ಈಜುಗಾರರನ್ನು ಒಳಗೊಂಡ ಸುರಕ್ಷತಾ ಕ್ರಮಗಳು, ವಾಹನಗಳಿಗೆ ವಿಶಾಲವಾದ ಪಾರ್ಕಿಂಗ್‌ ವ್ಯವಸ್ಥೆ ಹೊಂದಿದೆ. ಶುಚಿತ್ವಕ್ಕೆ ಹೆಚ್ಚಿನ ಗಮನ ಹರಿಸಲಾಗಿದೆ.

ವಿಶೇಷ ಆಫರ್‌
ಶಾಲಾ ಮಕ್ಕಳು ಒಂದು ದಿನ ಸಂತೋಷದಿಂದ ಕಳೆಯಬಹುದಾದ ಪ್ರವಾಸೀ ಸ್ಥಳ ಇದಾಗಿದ್ದು, ವಿದ್ಯಾರ್ಥಿಗಳಿಗೆ ವಿಶೇಷ ರಿಯಾಯಿತಿ ದೊರೆಯಲಿದೆ. ಜತೆಗೆ ದೊಡ್ಡ ಸಂಖ್ಯೆಯಲ್ಲಿ ತಂಡವಾಗಿ ಬರುವವರಿಗೆ ಆಫರ್‌ ದೊರೆಯಲಿದೆ. ಈಗಾಗಲೇ ವಿವಿಧ ಜಿಲ್ಲೆಗಳಲ್ಲಿ ಪ್ರತಿನಿತ್ಯ ನೂರಾರು ಸಂಖ್ಯೆಯಲ್ಲಿ ಪ್ರವಾಸಿಗರು ಆಗಮಿಸುತ್ತಿದ್ದಾರೆ.
ಪಾರ್ಕ್‌ ವಾರದ ಎಲ್ಲಾ ದಿನಗಳಲ್ಲಿ ಬೆಳಗ್ಗೆ 10ರಿಂದ ಸಂಜೆ 5 ವರೆಗೆ ತೆರೆದಿರುವುದಾಗಿ ಸಂಸ್ಥೆಯ ನಿರ್ದೇಶಕ ರವಿಪ್ರಕಾಶ್‌ ಗೊನ್ಸಾಲ್ವಿಸ್‌ ತಿಳಿಸಿದ್ದಾರೆ.