ಬಸ್ರೂರು ಪರಿಸರದಲ್ಲಿ ಕಾತಿ ಬೆಳೆಗೆ ಬಿತ್ತನೆ ಆರಂಭ

Team Udayavani, Jun 16, 2019, 5:05 AM IST

ಬಸ್ರೂರು: ಬಸ್ರೂರು ಸೇರಿದಂತೆ ಕಂದಾವರ, ಬಳ್ಕೂರು, ಕಂಡ್ಲೂರು, ಆನಗಳ್ಳಿ , ಗುಲ್ವಾಡಿ, ಜಪ್ತಿ ಮುಂತಾದೆಡೆ ಮುಂಗಾರು ಮಳೆ ತಡವಾಗಿ ಆರಂಭವಾದರೂ ಕಾತಿ ಬೆಳೆಗೆ ಭತ್ತದ ಬೀಜ ಬಿತ್ತನೆ ಕಾರ್ಯ ಆರಂಭವಾಗಿದೆ.

ಸಾಮಾನ್ಯವಾಗಿ ಮುಂಗಾರು ಮಳೆ ಬಂದ ನಂತರ ಗದ್ದೆ ಹದ ಮಾಡಿ ಅಗೆಡಿಗೆ (ಭತ್ತದ ಸಸಿ ಬೆಳೆಯುವ ಗದ್ದೆ) ಬೀಜ ಬಿತ್ತುವ ಕಾರ್ಯ ನಡೆಯುವ ರೂಢಿಯಿತ್ತು. ಆದರೆ ಈ ಬಾರಿ ಮಾತ್ರ ಜೂನ್‌ ತಿಂಗಳ ಆರಂಭದಲ್ಲಿ ಮಳೆಯ ಸದ್ದಿಲ್ಲದ ಕಾರಣ ರೈತ ಕೃತಕ ನೀರಾವರಿಯ ಮೊರೆ ಹೋಗಿದ್ದಾನೆ!

ಈ ಪರಿಸರದಲ್ಲಿ ಸಾಮಾನ್ಯವಾಗಿ ಎಂ.ಒ. 4 ಭತ್ತದ ತಳಿಯನ್ನು ಆಯ್ಕೆ ಮಾಡಿಕೊಂಡಿದ್ದಾರೆೆ. ಕಳೆದ ವರ್ಷವೂ ಇದೇ ಮಾದರಿಯ ಬೀಜವನ್ನು ರೈತರು ಆಯ್ಕೆ ಮಾಡಿಕೊಂಡಿದ್ದರು ಎಂಬುದು ಗಮನಾರ್ಹ.

ಈ ಬಾರಿ ಮಳೆ ವಿಳಂಬವಾದರೂ ತನ್ನ ಬೇಸಾಯದ ಕಾರ್ಯವನ್ನು ರೈತ ನಿಲ್ಲಿಸಿಲ್ಲ.