ಬೈಲೂರು: ರಾತೋರಾತ್ರಿ ಗೋರಿ ಪತ್ತೆ

Team Udayavani, Dec 13, 2018, 10:22 AM IST

ಕಾರ್ಕಳ: ಬೈಲೂರು ಕೆಳ ಪೇಟೆಯ ಬಳಿ ಬುಧವಾರ ಬೆಳಗ್ಗೆ ಗೋರಿಯೊಂದು ಪತ್ತೆಯಾಗಿದ್ದು, ಮಂಗಳವಾರ ರಾತ್ರಿ ಇಲ್ಲಿ ತಂದಿಟ್ಟಿದ್ದಾರೆ ಎಂದು ತಿಳಿದುಬಂದಿದೆ.

ಈ ಬಗ್ಗೆ ಸ್ಥಳೀಯ ಜಿ.ಪಂ. ಸದಸ್ಯ ಸುಮಿತ್‌ ಶೆಟ್ಟಿ ಕೌಡೂರು ಅವರು ನಗರ ಠಾಣೆಗೆ ಮಾಹಿತಿ ನೀಡಿದ್ದು, ಪೊಲೀಸರು ಹಾಗೂ ಸ್ಥಳೀಯ ಪಿಡಿಒ ನೇತೃತ್ವದಲ್ಲಿ ತೆರವುಗೊಳಿಸಲಾಗಿದೆ.

ಹಿಂದೆ ಆ ಭಾಗದಲ್ಲಿದ್ದ ದರ್ಗಾವನ್ನು 5 ವರ್ಷಗಳ ಹಿಂದೆ ಸುಪ್ರೀಂ ಕೋರ್ಟ್‌ ಆದೇಶದಂತೆ ತೆರವುಗೊಳಿಸಲಾಗಿತ್ತು. ಜತೆಗೆ ಅಲ್ಲೇ ಇದ್ದ ಶಾರದಾ ವೇದಿಕೆಯನ್ನೂ ತೆರವು ಮಾಡಲಾಗಿತ್ತು. ಹಿಂದೂ ಸಂಘಟನೆ ಮುಖಂಡರೂ ಸ್ಥಳಕ್ಕೆ ಭೇಟಿ ನೀಡಿದ್ದು, ಕಳವಳ ವ್ಯಕ್ತ ಪಡಿಸಿದ್ದಾರೆ. ಇದೊಂದು ಶಾಂತಿ ಕದಡುವ ಯತ್ನ ಎಂದು ಸ್ಥಳೀಯರು ದೂರಿದ್ದಾರೆ.