“ಎಲ್ಲರ ಮನೆ ಮನಗಳಲ್ಲಿ ಭಜನೆ ಬೆಳಗಲಿ’

Team Udayavani, Jul 24, 2017, 6:35 AM IST

ಪೆರ್ಡೂರು: ಹಿಂದೂ ಸಂಸ್ಕೃತಿ, ಸಂಸ್ಕಾರದಲ್ಲಿ ಹಾಸು ಹೊಕ್ಕಿರುವ ಭಜನೆಯನ್ನು ನಿತ್ಯವೂ ಮನೆ ಮನೆಗಳಲ್ಲಿ ಮೊಳಗಿದಲ್ಲಿ  ವಿಶ್ವಕ್ಕೇ ಒಳಿತಾಗುವುದು ಎಂದು ಸಮಿತಿಯ ಉಪಾಧ್ಯಕ್ಷರಾದ ಪ್ರಮೋದ್‌ ರೈ ಪಳಜೆ ಅವರು ಹೇಳಿದರು.

ಅವರು ಪೆರ್ಡೂರಿನ ಶ್ರೀ ಭೈರವನಾಥೇಶ್ವರ ಸೇವಾ ಸಮಿತಿಯ ವತಿಯಿಂದ ನಡೆಯುತ್ತಿರುವ ಸಂಗೀತ ಶಾಲೆಯ ಐದನೇ ವಾರ್ಷಿಕೋತ್ಸವದ ಅಂಗವಾಗಿ ಹಮ್ಮಿಕೊಂಡ ಅವಿಭಜಿತ ಉಡುಪಿ ದಕ್ಷಿಣ ಕನ್ನಡ ಜಿಲ್ಲಾ ಮಟ್ಟದ ಆಯ್ದ ತಂಡಗಳ ಭಜನೆ ಸ್ಪರ್ಧೆಯನ್ನು ಉದ್ಘಾಟಿಸಿ ಮಾತನಾಡಿದರು.

ಸಮಿತಿಯ ಅಧ್ಯಕ್ಷ ಸತೀಶ್‌ ಕೋಟ್ಯಾನ್‌ ಅಧ್ಯಕ್ಷತೆ ವಸಿದ್ದರು. ಕಾರ್ಯಾಧ್ಯಕ್ಷ ಪ್ರವೀಣ್‌ ಕಾನದಪಾಡಿ, ಕಾರ್ಯದರ್ಶಿ, ಸಂಗೀತ ಶಿಕ್ಷಕಿ ಅಕ್ಷತಾ ರಾವ್‌, ತೀರ್ಪುಗಾರರಾದ ಉಮಾಮಹೇಶ್ವರಿ ಭಟ್‌ ಆತ್ರಾಡಿ, ಶ್ರೀಲಕ್ಷ್ಮೀ ಕುಂದಾಪುರ ಹಾಗೂ ನಾಗರಾಜ್‌ ಕಾರ್ಕಳ ಉಪಸ್ಥಿತರಿದ್ದರು. ಉಪೇಂದ್ರ ಆಚಾರ್ಯ ಕಾರ್ಯಕ್ರಮ ನಿರೂಪಿಸಿ, ಪ್ರಭಾಕರ ಶೆಟ್ಟಿ  ವಂದಿಸಿದರು.