ಕಾರ್ಕಳ: ನಿಯಂತ್ರಣ ತಪ್ಪಿ ಬೈಕಿನಿಂದ ಬಿದ್ದು ವ್ಯಕ್ತಿ ಸಾವು

Team Udayavani, Nov 3, 2022, 7:57 PM IST

ಕಾರ್ಕಳ: ಬೈಕ್‌ ಸವಾರ ನಿಯಂತ್ರಣ ತಪ್ಪಿ  ಚರಂಡಿಗೆ ಬಿದ್ದು   ಗಂಭಿರವಾಗಿ ಗಾಯಗೊಂಡು ಮೃತಪಟ್ಟ ಘಟನೆ  ನಕ್ರೆನಲ್ಲಿ ನಡೆದಿದೆ. ಮೃತ ದುರ್ದೈವಿ ಸುಬ್ರಹ್ಮಣ್ಯ (46) ಎಂಬವರಾಗಿದ್ದಾರೆ.

ನಕ್ರೆ ಜಂಕ್ಷನ್‌ ಕಡೆಗೆ ಬರುತಿದ್ದ ವೇಳೆ ನಕ್ರೆ ಜಂಕ್ಷನ್‌ನಲ್ಲಿ  ಬೈಕ್‌ ನಿಯಂತ್ರಣ ಕಳೆದುಕೊಂಡಿದೆ. ಬೈಕಿನಿಂದ ಎಸೆಯಲ್ಪಟ್ಟ ಅವರು ತೀವೃ ಗಾಯಗೊಂಡರು. ಅವರು ಹೆಲ್ಮೆಟ್‌ ಧರಿಸಿಲ್ಲ ಎಂದು ತಿಳಿದು ಬಂದಿದೆ.

ಎದುರಿನಿಂದ ಇವರ ಸಂಬಂಧಿ ವಿಶ್ವನಾಥ ಎಂಬವರು ಕೂಡ ಬೈಕಿನಲ್ಲಿ  ತೆರಳುತ್ತಿದ್ದರು. ಇದೇ ಸಂದರ್ಭ ಅಪಘಾತವು ಸಂಭವಿಸಿದ್ದು,  ಗಾಯಾಳುವನ್ನು  ನಗರದ ಆಸ್ಪತ್ರೆಗೆ  ದಾಖಲಿಸಿ ಪ್ರಥಮ ಚಿಕಿತ್ಸೆ ಕೊಡಿಸಿ ಹೆಚ್ಚಿನ ಚಿಕಿತ್ಸೆಗಾಗಿ  ಮಣಿಪಾಲದ ಕಡೆಗೆ ಕೊಂಡೊಯ್ಯುವ ವೇಳೆ ದಾರಿ ಮಧ್ಯೆ ಅವರು ಮೃತಪಟ್ಟರು. ಆಸ್ಪತ್ರೆಯ ವೈದ್ಯರು ಪರೀಕ್ಷಿಸಿ ಸಾವನ್ನು ದೃಢಪಡಿಸಿದರು. ಕಾರ್ಕಳ ನಗರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.