ಆ್ಯಂಬುಲೆನ್ಸ್‌ನಲ್ಲೇ ಗಂಡು ಮಗುವಿಗೆ ಜನ್ಮ

Team Udayavani, Feb 18, 2020, 5:37 AM IST

ಉಡುಪಿ: ತೀವ್ರ ಹೆರಿಗೆ ನೋವು ಕಾಣಿಸಿಕೊಂಡ ಕಾರಣ ಮಹಿಳೆಯೋರ್ವರು ಆ್ಯಂಬುಲೆನ್ಸ್‌ನಲ್ಲಿಯೇ ಗಂಡು ಮಗುವಿಗೆ ಜನ್ಮ ನೀಡಿದ ಘಟನೆ ರವಿವಾರ ನಡೆದಿದೆ.

ಮಲ್ಪೆಯ ತೀತಾ ನಾಯಕ ಅವರ ಪತ್ನಿ ಮಾಲಿಬಾಯಿ ಅವರಿಗೆ ರವಿವಾರ ಮಧ್ಯಾಹ್ನದ ವೇಳೆಗೆ ಹೆರಿಗೆ ನೋವು ಕಾಣಿಸಿಕೊಂಡಿತ್ತು. ಕೂಡಲೇ ಮಲ್ಪೆಯ 108 ಆ್ಯಂಬುಲೆನ್ಸ್‌ಗೆ ಕರೆ ಮಾಡಲಾಯಿತು. ತತ್‌ಕ್ಷಣವೇ ಆಗಮಿಸಿದ ವಾಹನ ಅವರನ್ನು ಉಡುಪಿಯ ಮಹಿಳಾ ಮತ್ತು ಮಕ್ಕಳ ಆಸ್ಪತ್ರೆಗೆ ಕರೆತರುವ ವೇಳೆ ಕರಾವಳಿ ಬೈಪಾಸ್‌ನ ಮಾರ್ಗಮಧ್ಯದಲ್ಲಿ ಗಂಡು ಮಗುವಿಗೆ ಜನ್ಮನೀಡಿದ್ದಾರೆ.

ತಾಯಿ ಹಾಗೂ ಮಗು ಆರೋಗ್ಯವಾಗಿದೆ. ಆ್ಯಂಬುಲೆನ್ಸ್‌ನಲ್ಲಿ ತುರ್ತುವೈದ್ಯಕೀಯ ತಜ್ಞ ಸಂತೋಷ್‌ ಆರ್‌.ಹಾಗೂ ಚಾಲಕ ಸಂಜೀವ್‌ ಷಾ ಜಮ್ಕಂಡಿ ಅವರು ಉಪಸ್ಥಿತರಿದ್ದರು. ಆಸ್ಪತ್ರೆಯಲ್ಲಿ ಡಾ| ಮೇಧಾ ಅವರು ತಾಯಿ ಹಾಗೂ ಮಗುವಿನ ಆರೈಕೆಯನ್ನು ನೋಡಿಕೊಳ್ಳುತ್ತಿದ್ದಾರೆ.