ಮರಳುಗಾರಿಕೆ ಇಲ್ಲದೇ ದಡ ಸೇರಿದ ದೋಣಿಗಳು

Team Udayavani, Jul 26, 2017, 8:50 AM IST

ಬಸ್ರೂರು: ಬಳ್ಕೂರು, ಬಸ್ರೂರು ಆನಗಳ್ಳಿ, ಕಂಡಲೂರು, ಹಳ್ನಾಡು, ಜಪ್ತಿ, ಮೊಳಹಳ್ಳಿ ಮುಂತಾದೆಡೆ ಅಕ್ರಮವಾಗಿ ಮರಳನ್ನು ತೆಗೆಯಲಾಗುತ್ತಿತ್ತು. ಆದರೆ ಕಂಡೂÉರಿನ ಮರಳುಗಾರಿಕಾ ಅಡ್ಡೆ ಮೇಲೆ ಜಿಲ್ಲಾಧಿಕಾರಿಗಳ ದಾಳಿಯ ಅನಂತರ ಈ ಭಾಗದಲ್ಲಿ ಅಕ್ರಮ ಮರಳುಗಾರಿಕೆ ಸ್ಥಗಿತಗೊಂಡಿತ್ತು. 

ಸಚಿವರು ಶಾಸಕರು ಕರಾವಳಿ ಭಾಗಕ್ಕೆ  ಶ್ರೀಘ್ರದಲ್ಲಿ ನೂತನ ಮರಳುಗಾರಿಕಾ ನೀತಿಯನ್ನು ಜಾರಿಗೆ ತರಲಾಗುವುದೆಂದು ತಿಳಿಸಿದ್ದಾರೆ. ಸದನ ಸಮಿತಿಯೂ ರಚನೆಯಾಗಿ ತಿಂಗಳುಗಳೇ  ಕಳೆದಿವೆ. ಮರಳಿನ ಅಭಾವ ತೀವ್ರವಾಗಿದೆ. ದುರಂತವೆಂದರೆ ಈವರೆಗೂ ಯಾವುದೇ ಮರಳು ನೀತಿಯೂ ಜಾರಿಯಾಗಿಲ್ಲ. ಮರಳುಗಾರಿಕೆಗೆ ಯಾರಿಗೂ ಅನುಮತಿಯನ್ನೂ ನೀಡಿಲ್ಲ.

ಈ ಮಧ್ಯೆ ಜು. 26ರಂದು ಕಟ್ಟಡ ಕಾರ್ಮಿಕರು ರಾಜ್ಯದಾದ್ಯಂತ ಶಾಸಕರ, ಸಚಿವರ ಮನೆ ಚಲೋ ಕಾರ್ಯಕ್ರಮ ಹಮ್ಮಿಕೊಂಡಿದ್ದಾರೆ. ನದಿಯಲ್ಲಿದ್ದ ದೋಣಿಗಳು ಮಾತ್ರ ಈಗ ದಡ ಸೇರಿದ್ದು ಈ ಎಲ್ಲ ವಿದ್ಯಮಾನಗಳಿಗೆ ಮೂಕಸಾಕ್ಷಿಯಾಗಿದೆ.