ಬಸ್‌ ಢಿಕ್ಕಿ: ಬೈಕ್‌ ಸವಾರ ಸಾವು

Team Udayavani, Apr 5, 2018, 6:00 AM IST

ಕುಂದಾಪುರ: ಗಂಗೊಳ್ಳಿ ಸಮೀಪದ ನಾಯಕವಾಡಿ ರಾಮ ಮಂದಿರ ಬಳಿ ಬುಧವಾರ  ಬೈಕ್‌ಗೆ ಬಸ್‌ ಢಿಕ್ಕಿ ಹೊಡೆದು  ಸವಾರ ಮೃತಪಟ್ಟಿದ್ದಾರೆ.

ಗುಜ್ಜಾಡಿ ಗ್ರಾಮದ  ನಾಯಕವಾಡಿ ನಿವಾಸಿ, ಮೆಸ್ಕಾಂ ಲೈನ್‌ಮನ್‌ ಗಣೇಶ್‌ ದೇವಾಡಿಗ (59) ಅವರು  ಬೈಕಿನಲ್ಲಿ  ಕರ್ತವ್ಯಕ್ಕೆ ಹೋಗುತ್ತಿದ್ದಾಗ ಗಂಗೊಳ್ಳಿ ಸಮೀಪದ ನಾಯಕವಾಡಿ ರಾಮಮಂದಿರ ಬಳಿ ಗಂಗೊಳ್ಳಿಯಿಂದ ತ್ರಾಸಿ ಕಡೆಗೆ ಹೋಗುತ್ತಿದ್ದ  ಖಾಸಗಿ ಬಸ್‌ ಢಿಕ್ಕಿ ಹೊಡೆದಿದೆ. ಪರಿಣಾಮ ರಸ್ತೆಗೆ ಬಿದ್ದು ತಲೆಗೆ ಗಂಭೀರ ಗಾಯ ಗೊಂಡ ಗಣೇಶ್‌  ಅವರನ್ನು  ಆಸ್ಪತ್ರೆಗೆ ಕರೆ ದೊಯ್ಯಲಾಯಿತಾದರೂ  ದಾರಿ ಮಧ್ಯೆಯೇ ಅವರು ಕೊನೆಯುಸಿರೆಳೆ ದರು. ಮೂರು ದಿನಗಳ ತಿರುಪತಿ ಪ್ರವಾಸ ಮುಗಿಸಿ ಮಂಗಳವಾರವಷ್ಟೇ ಊರಿಗೆ ಮರಳಿದ್ದ ಅವರು ಮುಂದಿನ ಮೇ ತಿಂಗಳಲ್ಲಿ ನಿವೃತ್ತಿಯಾಗಲಿದ್ದರು. 

ಬಸ್‌ ಚಾಲಕ ನಾಗರಾಜ ವಿರುದ್ಧ ಗಂಗೊಳ್ಳಿ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.