ಕಾಳಾವರ: ಗಾಳಿ-ಮಳೆಗೆ ಕೋಳಿ ಫಾರಂ ಕುಸಿತ; ಅಪಾರ ನಷ್ಟ

Team Udayavani, Jul 15, 2017, 2:40 AM IST

ಕೋಟೇಶ್ವರ:  ಕಾಳಾವರ ಗ್ರಾಮದ ಕಾಮೊಡ್ಲು ಮದಗದ ಸಮೀಪದಲ್ಲಿರುವ ಕೋಳಿ ಫಾರಂ ಶುಕ್ರವಾರ ಸುರಿದ ಭಾರೀ ಗಾಳಿ ಮಳೆಯಿಂದಾಗಿ ಸಂಪೂರ್ಣ ಕುಸಿದು ಬಿದ್ದ ಪರಿಣಾಮ ಕೋಳಿ ಸಮೇತ ಬೆಲೆಬಾಳುವ ಫೀಡ್‌ಗಳು ನಾಶವಾಗಿ ಲಕ್ಷಾಂತರ ರೂ. ನಷ್ಟ ಸಂಭವಿಸಿದ ಬಗ್ಗೆ ವರದಿಯಾಗಿದೆ.

ಇಲ್ಲಿನ ನಿವಾಸಿ ಸುಮಂತ ಅವರ ಮಾಲಕತ್ವದ ಕೋಳಿ ಫಾರಂ ಕುಸಿದು ಬಿದ್ದ ಪರಿಣಾಮ ಸಾವಿರಾರು ಸಂಖ್ಯೆಯ ಕೋಳಿಗಳು ಸಾವನ್ನಪ್ಪಿದವು. ಕೋಳಿ ಬ್ರಿಂಕರ್‌, ಫೀಡರ್‌ ಸಹಿತ 80 ಚೀಲ ಫೀಡ್‌ಗಳು ಮಳೆ ನೀರಿನಲ್ಲಿ ತೊಯ್ದು ನಾಶವಾಯಿತು. ಏಕಾಏಕಿ ಸುರಿದ ಮಳೆ ಗಾಳಿಯಿಂದಾಗಿ ಉಂಟಾಗಿರುವ ನಷ್ಟ ಸುಮಾರು 12 ಲಕ್ಷ ರೂ. ಎಂದು ಅಂದಾಜಿಸಲಾಗಿದೆ. 

ಯುವ ಉದ್ಯಮಿ ಸುಮಂತ ಅವರು ಕಳೆದ 3 ತಿಂಗಳ ಹಿಂದೆ ಈ  ಉದ್ಯಮವನ್ನು ಆರಂಭಿಸಿದ್ದು  ಆಕಸ್ಮಿಕವಾಗಿ ಉಂಟಾಗಿರುವ ಈ ಘಟನೆಯಿಂದ ದಿಗ್ಭ್ರಮೆ ಗೊಂಡಿದ್ದಾರೆ. ಸುದ್ದಿ ತಿಳಿದಂತೆ ಆಸುಪಾಸಿನ ನಿವಾಸಿಗಳು ಸ್ಥಳಕ್ಕೆ ಆಗಮಿಸಿ ಮಿಕ್ಕುಳಿದ ಕೋಳಿಗಳನ್ನು ಉಳಿಸುವಲ್ಲಿ ಶ್ರಮಿಸಿದ್ದಾರೆ.