ಕೋಟೆ : ನೆರೆ ಬಾಧಿತ ಪ್ರದೇಶಗಳಿಗೆ ಶಾಸಕ ಲಾಲಾಜಿ ಭೇಟಿ, ಪರಿಶೀಲನೆ

Team Udayavani, Jul 10, 2018, 6:30 AM IST

ಕಟಪಾಡಿ: ಕಾಪು ವಿಧಾನ ಸಭಾ ಕ್ಷೇತ್ರದ ಶಾಸಕ ಲಾಲಾಜಿ ಆರ್‌.ಮೆಂಡನ್‌ ಕೋಟೆ ಗ್ರಾಮ ಪಂಚಾಯತ್‌ ವ್ಯಾಪ್ತಿಯಲ್ಲಿ  ಜಡಿಮಳೆಯಿಂದಾಗಿ ಉಂಟಾದ ನೆರೆ ಹಾನಿಗೀಡಾದ  ಪರೆಂಕುದ್ರು, ಮಟ್ಟು ಅಣೆಕಟ್ಟು, ಮಟ್ಟುಗುಳ್ಳ ಬೆಳೆಯುವ ಗದ್ದೆಯ ಪ್ರದೇಶಗಳಿಗೆ ಜು.8ರಂದು ಭೇಟಿ ನೀಡಿ ಪರಿಶೀಲನೆ ನಡೆಸಿದರು.

ಹಾನಿಗೀಡಾದ ಶಕುಂತಳಾ ದಿನೇಶ್‌ ಪೂಜಾರಿ ಮನೆಯ ನಷ್ಟ ಅಂದಾಜಿಗೆ ತ್ವರಿತವಾಗಿ ಸ್ಪಂದಿಸು ವಂತೆ ಲೋಕೋಪಯೋಗಿ ಇಲಾಖಾಧಿ ಕಾರಿಗಳಿಗೆ  ಮಾಹಿತಿ ನೀಡಿರುತ್ತಾರೆ. ಸಂಬಂಧಿತ ಇಲಾಖಾಧಿಕಾರಿಗಳಿಗೆ ಇತರೇ ಹಾನಿಯ ಬಗ್ಗೆ ಸಮರ್ಪಕವಾಗಿ ಪರಿಶೀಲನೆ ನಡೆಸಿ ಸೂಕ್ತ ಪರಿಹಾರ ಒದಗಿಸುವಂತೆ ಸೂಚಿಸಿರುತ್ತಾರೆ.

ಈ ಸಂದರ್ಭ ಜಿಲ್ಲಾ ಪಂಚಾಯತ್‌ ಸದಸ್ಯೆ ಗೀತಾಂಜಲಿ ಎಂ.ಸುವರ್ಣ, ತಾಲೂಕು ಪಂಚಾಯತ್‌ ಸದಸ್ಯ ರಾಜೇಶ್‌ ಕುಮಾರ್‌ ಅಂಬಾಡಿ, ಗ್ರಾಮ ಪಂಚಾಯತ್‌ ಸದಸ್ಯ ರತ್ನಾಕರ್‌ ಕೋಟ್ಯಾನ್‌, ಜಗದೀಶ್‌ ಅಂಚನ್‌, ಬಿಜೆಪಿ ಕಾಪು ಕ್ಷೇತ್ರಾಧ್ಯಕ್ಷ ಪ್ರಕಾಶ್‌ ಶೆಟ್ಟಿ ಪಾದೆಬೆಟ್ಟು, ಸ್ಥಳೀಯರಾದ ಮಧುಕರ್‌, ರೂಪೇಶ್‌, ಸಂತೋಷ್‌ ಮಟ್ಟು ಮೊದಲಾದವರು ಉಪಸ್ಥಿತರಿದ್ದರು.