ಉಡುಪಿ: ಚೆಕ್‌ ಅಮಾನ್ಯ ಪ್ರಕರಣ… 6 ತಿಂಗಳು ಜೈಲು ಶಿಕ್ಷೆ

Team Udayavani, Dec 31, 2022, 11:51 PM IST

ಉಡುಪಿ : ಎರಡು ಪ್ರತ್ಯೇಕ ಪ್ರಕರಣಗಳಲ್ಲಿ ಉಡುಪಿಯ ಪ್ರಧಾನ ಸಿವಿಲ್‌ ನ್ಯಾಯಾಧೀಶರು ಮತ್ತು ಜೆಎಂಎಫ್ಸಿ ನ್ಯಾಯಾಲಯವು ಕಮಲಾಕರ್‌ ಎನ್‌. ಮೆಂಡನ್‌ ದಾಖಲಿಸಿದ್ದ ಹರೀಶ್ಚಂದ್ರ ಅವರ ವಿರುದ್ಧದ ಪ್ರಕರಣದಲ್ಲಿ ತಪ್ಪಿತಸ್ಥನಿಗೆ ಆರು ತಿಂಗಳು ಜೈಲು ಶಿಕ್ಷೆ ವಿಧಿಸಿದೆ.

ವಾದ-ವಿವಾದ ಆಲಿಸಿದ ನ್ಯಾಯಾಲಯ ಸಾಕ್ಷ್ಯಾಧಾರಗಳನ್ನು ಪರಿಶೀಲಿಸಿ ಎರಡೂ ಪ್ರಕರಣಗಳಲ್ಲಿ ಆರೋಪಿಯನ್ನು ತಪ್ಪಿತಸ್ಥ ಎಂದು ಪರಿಗಣಿಸಿ 6 ತಿಂಗಳ ಸೆರೆವಾಸ ಮತ್ತು 5 ಸಾವಿರ ರೂ. ದಂಡ ವಿಧಿಸಲಾಗಿದೆ. ಚೆಕ್‌ ಮೊತ್ತಗಳನ್ನು ಪರಿಹಾರ ರೂಪದಲ್ಲಿ ಕಮಲಾಕರ್‌ ಅವರಿಗೆ ಹಿಂದಿರುಗಿಸುವಂತೆ ಆದೇಶಿಸಿದೆ. ಕಮಲಾಕರ್‌ ಪರವಾಗಿ ಕುಕ್ಕೆಹಳ್ಳಿ ಶಿವಪ್ರಸಾದ್‌ ಹೆಗ್ಡೆ, ಇಡ್ಯ ಬಾಲಸುಬ್ರಹ್ಮಣ್ಯ ರಾವ್‌, ಅನುಪಮಾ ಕುಮಾರಿ ಹಾಗೂ ಪಾಂಗಾಳ ಜಯಕರ್‌ ಬಂಗೇರ ವಾದಿಸಿದ್ದಾರೆ.