ಪೇಜಾವರ ಕಿರಿಯ ಶ್ರೀ ವಿಶ್ವಪ್ರಸನ್ನತೀರ್ಥರಿಂದ  ಜೋಳದ ಹುಲ್ಲು  ಕಟಾವು

Team Udayavani, Mar 15, 2019, 1:00 AM IST

ಕಟಪಾಡಿ: ಪೇಜಾವರ ಮಠದ ಕಿರಿಯ ಶ್ರೀ ವಿಶ್ವಪ್ರಸನ್ನತೀರ್ಥರ ಪಾಲ್ಗೊಳ್ಳುವಿಕೆಯಿಂದ ಕುಂಜಾರುಗಿರಿ ಗಿರಿಬಳಗದ ಸದಸ್ಯರಿಂದ  ಅಂಬಡೆಪಾಡಿ ಗೋವಿಂದ ಭಟ್‌ ಮನೆಯ ಸುಮಾರು ಒಂದು ಎಕರೆ ಗದ್ದೆಯ ಪ್ರದೇಶದಲ್ಲಿ 14ನೇ ವರ್ಷದ ಜೋಳದ ಬಿತ್ತನೆ ಕಾರ್ಯಕ್ರಮ ಜರಗಿತು.

ಬ್ರಹ್ಮಾವರದ ನೀಲಾವರದಲ್ಲಿರುವ ಗೋಶಾಲೆಯಲ್ಲಿ ಇರುವ ಗೋವುಗಳ ಮೇವಿಗಾಗಿ ಈ ಜೋಳದ ಹುಲ್ಲನ್ನು ಬೆಳೆಸಲಾಗುತ್ತಿದೆ. 

ಗೋರಕ್ಷಣೆಗಾಗಿ ಟೊಂಕಕಟ್ಟಿದ ಪೇಜಾವರ ಕಿರಿಯ ಶ್ರೀ ವಿಶ್ವಪ್ರಸನ್ನತೀರ್ಥರು ಬ್ರಹ್ಮಾವರದ ತನ್ನ ಗೋಶಾಲೆಯಲ್ಲಿ ಗೋಕುಲದ ಸಂರಕ್ಷಣೆಯ ಕಾರ್ಯವನ್ನು ಉಸಿರಿನಂತೆ ನಡೆಸುತ್ತಿರುವ ಗೋವಿನ ಮೇವಿಗಾಗಿ ಬಿತ್ತನೆ ಬೀಜವನ್ನು ಸ್ವತಃ ಗದ್ದೆಗಿಳಿದು ಬಿತ್ತುವ ಮೂಲಕ  ಬಹಳಷ್ಟು ಮುತುವರ್ಜಿಯಿಂದ ಪಾಲ್ಗೊಂಡಿದ್ದರು. 

ಗಿರಿಬಳಗದ ಗೌರವಾಧ್ಯಕ್ಷ ಗೋವಿಂದ ಭಟ್‌, ಅಧ್ಯಕ್ಷ ಲಕ್ಷ್ಮೀನಾರಾಯಣ ಉಪಾಧ್ಯ, ಕಾರ್ಯದರ್ಶಿ ಗಿರಿಧರ ಐತಾಳ್‌, ಅರ್ಚಕ ಗೋಪಾಲಕೃಷ್ಣ ಭಟ್‌, ರಾಘವೇಂದ್ರ ಭಟ್‌, ವಿದ್ವಾನ್‌ ಗುರುರಾಜ್‌ ಭಟ್‌ ಮುಂಬಯಿ, ರಾಜಮೂರ್ತಿ ಭಟ್‌, ಸಾಲ್ಮರ ರಾಘವೇಂದ್ರ ಭಟ್‌ ಹಾಗೂ ಗಿರಿ ಭಗಿನಿಯರು ಪಾಲ್ಗೊಂಡಿದ್ದರು.ಈ ಸಂದರ್ಭ  ಗಿರಿಬಳಗದ ಸದಸ್ಯರು ಉಪಸ್ಥಿತರಿದ್ದರು.