“ವಿದ್ಯಾರ್ಥಿಗಳು ದೇಶ ಸೇವೆಯ ಪರಿಕಲ್ಪನೆ ಬೆಳೆಸಿಕೊಳ್ಳಿ’

Team Udayavani, Jul 3, 2017, 3:45 AM IST

ತೆಕ್ಕಟ್ಟೆ (ವಿದ್ಯಾಗಿರಿ): ವಿದ್ಯಾರ್ಥಿಗಳು ಕಲಿಕೆಯೊಂದಿಗೆ ಉದಾರತೆ, ಶಿಸ್ತು ಸಂಯಮ ಹಾಗೂ ದೈನಂದಿನ  ನಡೆ ನುಡಿಗಳ ಜೊತೆಗೆ ಉತ್ತಮ ಸಂಸ್ಕಾರವನ್ನು ಬೆಳೆಸಿಕೊಂಡು  ಆದರ್ಶ ಪ್ರಜೆಯಾಗಿ ದೇಶ ಸೇವೆಯ ಪರಿಕಲ್ಪನೆಯನ್ನು ಬೆಳೆಸಿಕೊಳ್ಳಬೇಕಾಗಿದೆ. ಈ ನಿಟ್ಟಿನಲ್ಲಿ ಚಿಂತನೆ ಅಗತ್ಯ ಎಂದು ಕುಂದಾಪುರ ತಾಲೂಕು ಲಾರಿ ಮಾಲಕರ ಸಂಘದ ಕಾರ್ಯದರ್ಶಿ ಅರುಣ್‌ ಕುಮಾರ್‌ ಶೆಟ್ಟಿ ತೆಕ್ಕಟ್ಟೆ ಹೇಳಿದರು.

ಅವರು ಜು. 1ರಂದು ತೆಕ್ಕಟ್ಟೆ ಸೇವಾ ಸಂಗಮ ವಿದ್ಯಾ ಕೇಂದ್ರದಲ್ಲಿ  ರಾಷ್ಟ್ರೀಯ ವೈದ್ಯರ ದಿನದಂದು ಸಾಹಿತಿ ಕೋಟೇಶ್ವರ ಸೂರ್ಯನಾರಾಯಣ ರಾವ್‌ ಬೆಂಗಳೂರು ಇವರು ಶಾಲಾ ವಿದ್ಯಾರ್ಥಿಗಳಿಗೆ ಕೊಡ ಮಾಡಿದ ಪುಸ್ತಕವನ್ನು ವಿತರಿಸಿ ಮಾತನಾಡಿದರು.

ಈ ಸಂದರ್ಭದಲ್ಲಿ ತೆಕ್ಕಟ್ಟೆ ಸೇವಾ ಸಂಗಮ ವಿದ್ಯಾ ಕೇಂದ್ರದ ಟ್ರಸ್ಟಿಗಳಾದ ಚಂದ್ರಶೇಖರ್‌ ಪಡಿಯಾರ್‌ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದರು.

ಶಾಲಾ ಮುಖ್ಯೋಪಾಧ್ಯಾಯ ವಿಷ್ಣುಮೂರ್ತಿ ಭಟ್‌, ಶಿಕ್ಷಕ ವೃಂದ ಹಾಗೂ ಶಾಲಾ ವಿದ್ಯಾರ್ಥಿಗಳು  ಉಪಸ್ಥಿತರಿದ್ದರು.
ಶಿಕ್ಷಕಿ ನಾಗರತ್ನಾ ಸ್ವಾಗತಿಸಿ, ಶಿಕ್ಷಕಿ ಶಕಿಲಾ ನಿರೂಪಿಸಿ, ಶಿಕ್ಷಕಿ ಮಾನಸಾ ವಂದಿಸಿದರು.