Manipal ಕೌಶಲ ಕೇಂದ್ರಕ್ಕೆ ಎಲೆಕ್ಟ್ರಿಕಲ್‌ ವಾಹನ

Team Udayavani, Dec 6, 2023, 11:59 PM IST

ಮಣಿಪಾಲ: ಡಾ| ಟಿಎಂಎ ಪೈ ಪ್ರತಿಷ್ಠಾನದ ಅಂಗ ಸಂಸ್ಥೆಯಾದ ಮಣಿಪಾಲ ಕೌಶಲ ಅಭಿವೃದ್ಧಿ ಕೇಂದ್ರ (ಎಂಎಸ್‌ಡಿಸಿ)ಕ್ಕೆ ನಾಸಿಕ್‌ನ ಶಾಹ ಗ್ರೂಪ್‌ ಕಂಪೆನಿಯ ಜಿತೇಂದ್ರ ನ್ಯೂ ಇವಿ ಟೆಕ್‌ನ ಎಲೆಕ್ಟ್ರಿಕಲ್‌ ದ್ವಿಚಕ್ರ ವಾಹನವನ್ನು ಕೊಡುಗೆಯಾಗಿ ನೀಡಲಾಯಿತು.

ಬುಧವಾರ ಡಾ| ಟಿಎಂಎ ಪಾಲಿಟೆಕ್ನಿಕ್‌ ಕ್ಯಾಂಪಸ್‌ನ ಆಡಳಿತ ಕಚೇರಿ ಎದುರು ನಡೆದ ಕಾರ್ಯಕ್ರಮದಲ್ಲಿ ಜಿತೇಂದ್ರ ನ್ಯೂ ಇವಿ ಟೆಕ್‌ನ ಎಲೆಕ್ಟ್ರಿಕಲ್‌ ದ್ವಿಚಕ್ರ ವಾಹನವನ್ನು ಎಂಎಸ್‌ಡಿಸಿಗೆ ಹಸ್ತಾಂತರಿಸಲಾಯಿತು.

ಜಿತೇಂದ್ರ ನ್ಯೂ ಇವಿ ಟೆಕ್‌ನ ವಲಯ ವ್ಯವಸ್ಥಾಪಕ ಡಾ| ಬಿ. ಚರಣ್‌ ಅವರನ್ನು ಎಂಎಸ್‌ಡಿಸಿ ಮುಖ್ಯಸ್ಥ ಬಿ| ಡಾ| ಸುರ್ಜಿತ್‌ ಸಿಂಗ್‌ ಪಬ್ಲಿ ಸಮ್ಮಾನಿಸಿದರು. ಜಿತೇಂದ್ರ ನ್ಯೂ ಇವಿ ಟೆಕ್‌ನ ಸರ್ವಿಸ್‌ ಎಂಜಿನಿಯರ್‌ ಆಶಿಕ್‌ ಮೊಹಮ್ಮದ್‌, ಎಂಎಸ್‌ಡಿಸಿ ಕುಲಸಚಿವ ಡಾ| ರಾಧಾಕೃಷ್ಣ ಎಸ್‌. ಐತಾಳ್‌, ಡಾ| ಟಿಎಂಎ ಪೈ ಪಾಲಿಟೆಕ್ನಿಕ್‌ ನಿರ್ದೇಶಕ ರಂಗ ಪೈ, ಪ್ರಾಂಶುಪಾಲ ಪ್ರೊ| ಕಾಂತರಾಜ್‌, ಎಂಎಸ್‌ಡಿಸಿ ಸಲಹೆಗಾರ ಡಾ| ಕೆ. ಸಿನ್ಹಾ ಉಪಸ್ಥಿತರಿದ್ದರು.

ಈ ಪ್ರದೇಶದ ಯುವ ಜನತೆಗೆ ಉದ್ಯೋಗಕ್ಕೆ ಪೂರಕವಾದ ಕೌಶಲತೆಯನ್ನು ಒದಗಿಸುವ ಉದ್ದೇಶದಿಂದ ಎಂಎಸ್‌ಡಿಸಿ ಸ್ಥಾಪನೆಗೊಂಡಿದೆ. ನ್ಯಾಶನಲ್‌ ಸ್ಕಿಲ್‌ ಡೆವಲಪ್‌ಮೆಂಟ್‌ ಕಾರ್ಪೊರೇಶನ್‌ ಅಧೀನದಲ್ಲಿ ಮಾನ್ಯತೆ ಪಡೆದ ತರಬೇತಿ ನೀಡುವ ಸಂಸ್ಥೆಯಾಗಿ ಎಂಎಸ್‌ಡಿಸಿ ಕಾರ್ಯನಿರ್ವಹಿಸುತ್ತಿದೆ. ಈ ವಾಹನವನ್ನು ಎಲೆಕ್ಟ್ರಾನಿಕ್‌ ವಾಹನದ ವಿನ್ಯಾಸ, ಎಸ್ಸೆಂಬಲಿಂಗ್‌ ಮತ್ತು ನಿರ್ವಹಣೆಯ ಹ್ಯಾಂಡ್‌ ಆನ್‌ ಟ್ರೈನಿಂಗ್‌ಗೆ ಬಳಸಿಕೊಳ್ಳಲಾಗುವುದು ಎಂದು ತಿಳಿಸಿದೆ.