ಗೋಳಿಯಂಗಡಿ: ಬಾವಿಗೆ ಬಿದ್ದು ಸಾವು

Team Udayavani, Jun 2, 2019, 11:56 AM IST

ಸಿದ್ದಾಪುರ: ಖಾಸಗಿ ಬಾವಿಯನ್ನು ಸ್ವತ್ಛಗೊಳಿಸಲು ಇಳಿಯುತ್ತಿದ್ದಾಗ ಕಾಲು ಜಾರಿ ಬಿದ್ದು ಹಿಲಿಯಾಣ ಗ್ರಾಮದ ಕಾರಿಕೊಡ್ಲು ನಿವಾಸಿ ಪುಟ್ಟಯ್ಯ ನಾಯ್ಕ (48) ಅವರು ಸಾವನಪ್ಪಿದ ಘಟನೆ ಗೋಳಿಯಂಗಡಿಯಲ್ಲಿ ಜೂ. 1ರಂದು ಸಂಭವಿಸಿದೆ.

ದುರಂತ ಸಂಭವಿಸಿದ ಕೂಡಲೆ ಕುಂದಾಪುರ ಅಗ್ನಿಶಾಮಕ ದಳಕ್ಕೆ ಮಾಹಿತಿ ನೀಡಲಾ ಗಿದ್ದು, ಅವರು ಆಗಮಿಸಿ ಪುಟ್ಟಯ್ಯ ನಾಯ್ಕರನ್ನು ಮೇಲಕ್ಕೆ ಎತ್ತಿದರು. ಪರೀಕ್ಷಿಸಿದ ವೈದ್ಯರು ಮೃತಪಟ್ಟಿರುವುದನ್ನು ಖಚಿತಪಡಿಸಿದರು. ಬೆಳ್ವೆ ಸ‌ರಕಾರಿ ಆಸ್ಪತ್ರೆಯಲ್ಲಿ ಮರಣೋತ್ತರ ಪರೀಕ್ಷೆ ನಡೆಸಲಾಯಿತು.

ಪುಟ್ಟಯ್ಯ ನಾಯ್ಕ ಅವರದ್ದು ಬಡ ಕುಟುಂಬವಾಗಿದ್ದು, ಬಾವಿ ಕೆಲಸ ಮಾಡಿ ಜೀವನ ನಡೆಸುತ್ತಿದ್ದರು. ಅವರು ಪತ್ನಿ, ಮೂವರು ಪುತ್ರರು ಹಾಗೂ ಇಬ್ಬರು ಪುತ್ರಿಯರನ್ನು ಅಗಲಿದ್ದಾರೆ. ಶಂಕರನಾರಾಯಣ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.