ನಿಟ್ಟೂರು ಪ್ರೌಢ ಶಾಲೆ ವತಿಯಿಂದ ಪೆರಂಪಳ್ಳಿಯಲ್ಲಿ ಹಡಿಲುಗದ್ದೆ ಬೇಸಾಯ ಅಭಿಯಾನ

Team Udayavani, Jul 20, 2020, 8:51 AM IST

ಉಡುಪಿ: ನಿಟ್ಟೂರು ಪ್ರೌಢ ಶಾಲಾ ಸುವರ್ಣ ಪರ್ವ ನಿಮಿತ್ತ ಹಮ್ಮಿಕೊಂಡ ಹಡಿಲುಗದ್ದೆ ಬೇಸಾಯ ಅಭಿಯಾನದ ಮೊದಲ ಭಾಗವಾದ ನಾಟಿ ಕಾರ್ಯ ರವಿವಾರ ಪೆರಂಪಳ್ಳಿಯಲ್ಲಿ ಕೊನೆಗೊಂಡಿತು.

ಊರಿನ ವಿವಿಧ ಸಂಘಟನೆಗಳ ಸದಸ್ಯರು, ಹಳೆ ವಿದ್ಯಾರ್ಥಿಗಳು, ವಿದ್ಯಾರ್ಥಿಗಳು, ಪಾಲಕರು, ಶಿಕ್ಷಕರು ಹಾಗೂ ಒರಿಸ್ಸಾದ ಕೃಷಿ ತಜ್ಞ ಮಹಿಳೆಯರು ಪಾಲ್ಗೊ೦ಡು ಹತ್ತು ಎಕರೆ ಭತ್ತದ ನಾಟಿ ಮಾಡಲಾಯಿತು.

ಗದ್ದೆಯ ಮಾಲೀಕರನ್ನು ಹಾಗೂ ಎಲ್ಲಾ ಕಡೆಯ ನಾಟಿಕಾರ್ಯದಲ್ಲೂ ಭಾಗವಹಿಸಿದ ಹಳೆ ವಿದ್ಯಾರ್ಥಿ ಡಾ. ಪ್ರತಿಮಾ ಜಯಪ್ರಕಾಶ್, ರಕ್ಷಕರಾದ ಮಲ್ಲಿಕಾ ಉಡುಪ ಅವರನ್ನು ಗೌರವಿಸಲಾಯಿತು.

ಶಾಸಕ ಕೆ. ರಘುಪತಿ ಭಟ್ ಮಾತನಾಡಿ, ಮುಂದಿನ ವರ್ಷ ಉಡುಪಿ ವಿಧಾನ ಸಭಾ ಕ್ಷೇತ್ರದ ಎಲ್ಲಾ ಹಡಿಲುಗದ್ದೆ ಗಳಲ್ಲಿ ಬೇಸಾಯ ಮಾಡುವ ಸಂಕಲ್ಪ ಮಾಡಿದರು.

ಪೆರಂಪಳ್ಳಿಯ ಸುಧಾಕರ್, ಪ್ರಶಾಂತ್ ಭಟ್, ದಿನೇಶ್ ಪೂಜಾರಿ, ಹರಿಕೃಷ್ಣ ಶಿವತ್ತಾಯ, ಚೆಲುವರಾಜ್,ವಾಸುದೇವ ಭಟ್, ಶಂಕರ, ಚಂದ್ರ ನಾಯಕ್ ಮುಂತಾದವರು ಉಪಸ್ಥಿತರಿದ್ದು, ಯೋಜನೆಯ ಯಶಸ್ವಿಗೆ ಶ್ರಮಿಸಿದರು.