ಅಂಚಿಕಟ್ಟೆ: ಹಗಲಿನಲ್ಲೂ ಉರಿಯುತ್ತಿವೆೆ ಬೀದಿದೀಪ

Team Udayavani, Oct 11, 2019, 5:45 AM IST

ಕಾರ್ಕಳ: ಪುರಸಭಾ ವ್ಯಾಪ್ತಿಯ ಮೂರನೇ ವಾರ್ಡ್‌ ಅಂಚಿಕಟ್ಟೆ 3ನೇ ಅಡ್ಡರಸ್ತೆಯಲ್ಲಿನ ಬೀದಿದೀಪ ಕಳೆದ 10 ದಿನಗಳಿಂದ ಹಗಲಿರುಳು ಉರಿಯುತ್ತಿದೆ. ಈ ಹಿಂದೆ ಇಲ್ಲಿನ ದೀಪ ಗಳನ್ನು ಸ್ಥಳೀಯರೇ ಅದರ ವ್ಯವಸ್ಥೆ ನೋಡಿಕೊಳ್ಳುತ್ತಿದ್ದರು. ಆದರೆ, ಇತ್ತೀಚೆಗೆ ಇದರ ಸ್ವಿಚ್‌ ಮುಟ್ಟಿದಾಗ ವಿದ್ಯುತ್‌ ಶಾಕ್‌ ಹೊಡೆಯು ವುದರಿಂದ ದೀಪ ಆರಿಸಲು ಯಾರೂ ಮುಂದಾಗುವಂತಿಲ್ಲ.

ಒಂದೇ ಸ್ವಿಚ್
ಅಂಚಿಕಟ್ಟೆ 3ನೇ ಅಡ್ಡರಸ್ತೆಯಲ್ಲಿನ ಸುಮಾರು 26 ಬೀದಿದೀಪಗಳಿಗೆ ಒಂದೇ ಸ್ವಿಚ್ ಬೋರ್ಡ್‌ ಇದೆ. ಹೀಗಾಗಿ 26 ದೀಪಗಳು ನಿರಂತರವಾಗಿ ಉರಿಯುತ್ತಿವೆ.

ವಿದ್ಯುತ್‌ ನಷ್ಟ
ಬೋರ್ಡ್‌ನಲ್ಲಿನ ಸಮಸ್ಯೆಯಿಂದಾಗಿ ಸ್ಥಳೀಯರು ಬೀದಿದೀಪ ಸ್ವಿಚ್‌ ಆಫ್ ಮಾಡಲು ಸಾಧ್ಯವಿಲ್ಲದ ಪರಿಸ್ಥಿತಿ. ಈ ಕುರಿತು ಮೆಸ್ಕಾಂ ಇಲಾಖಾಧಿಕಾರಿಗಳಿಗೆ ತಿಳಿಸಿದ್ದರೂ ಸ್ಪಂದನೆಯಿಲ್ಲ . ಇದರಿಂದ ವಿದ್ಯುತ್‌ ನಷ್ಟದೊಂದಿಗೆ ಪುರಸಭೆ ವಿನಾಃ ಕಾರಣ ಬಿಲ್‌ ಪಾವತಿಸಬೇಕಾಗಿದೆ ಎಂದು ಸ್ಥಳೀಯರು ದೂರುತ್ತಾರೆ.

ಶೀಘ್ರ ರಿಪೇರಿ
ಅಂಚಿಕಟ್ಟೆಯಲ್ಲಿನ ವಿದ್ಯುತ್‌ ಸಿcಚ್‌ ಬೋರ್ಡ್‌ ಸರಿ ಪಡಿಸುವ ನಿಟ್ಟಿನಲ್ಲಿ ಮೆಸ್ಕಾಂ ಸಿಬಂದಿ ಕಾರ್ಯೋನ್ಮುಖರಾಗಲಿದ್ದಾರೆ. ತತ್‌ಕ್ಷಣವೇ ಸ್ವಿಚ್‌ ಬೋರ್ಡ್‌ ಸರಿಪಡಿಸಿ, ಸ್ಥಳೀಯರಿಗೆ ಸಮಸ್ಯೆಯಾಗದಂತೆ ಮಾಡಲಾಗುವುದು.
– ಸಂಪತ್‌, ಮೆಸ್ಕಾಂ ಜೆಇ, ಕಾರ್ಕಳ ನಗರ