ಕರಾವಳಿಯಲ್ಲಿ ಉತ್ತಮ ಮಳೆ; ಹೆಬ್ರಿಯಲ್ಲಿ ಸಿಡಿಲಿಗೆ ಹಸು ಬಲಿ

Team Udayavani, Oct 1, 2019, 3:02 AM IST

ಸಿಡಿಲು ಬಡಿದು ವಿದ್ಯುತ್‌ ಉಪಕರಣಗಳು ಹಾನಿ

ಮಂಗಳೂರು/ಉಡುಪಿ: ದಕ್ಷಿಣ ಕನ್ನಡ ಜಿಲ್ಲೆಯ ಕೆಲವೆಡೆ ಸೋಮವಾರ ಸಂಜೆ ವೇಳೆಗೆ ಮಳೆ ಬಂದಿದೆ. ಬೆಳ್ತಂಗಡಿಯಲ್ಲಿ ಸಂಜೆ ಉತ್ತಮ ಮಳೆಯಾಗಿದೆ.

ಸುಳ್ಯ, ಸುಬ್ರಹ್ಮಣ್ಯದಲ್ಲಿ ಗುಡುಗು, ಮಿಂಚು ಸಹಿತ ಉತ್ತಮ ಮಳೆ ಯಾದರೆ ಪುತ್ತೂರಿನಲ್ಲಿ ತಂಪು ಗಾಳಿ ಬೀಸುತ್ತಿತ್ತು. ಮಂಗಳೂರಿನಲ್ಲಿ ಮಿಂಚು ಕಾಣಿಸಿಕೊಂಡಿತ್ತು. ಉಡುಪಿ ಜಿಲ್ಲೆಯ ಹೆಬ್ರಿ, ಪಡುಬಿದ್ರಿ, ಕಾಪು, ಕಟಪಾಡಿ ಮೊದಲಾದೆಡೆ ರಾತ್ರಿ ಮಳೆಯಾಗಿದೆ.

ಸಿಡಿಲು ಬಡಿದು ಹಸು ಸಾವು
ಹೆಬ್ರಿ: ಸೋಮವಾರ ಸಂಜೆ ಸಿಡಿಲು ಸಹಿತ ಸುಮಾರು 2 ಗಂಟೆಗಳ ಕಾಲ ಬಿರುಸಿನ ಮಳೆಯಾಗಿದೆ. ಸಿಡಿಲು ಬಡಿದು ಚಾರ – ಜೋಮ್ಲು ರಸ್ತೆಯ ಹಂದಿಕಲ್ಲು ನಿವಾಸಿ ಗಿರಿಜಾ ಶೆಡ್ತಿ ಅವರ ಹಟ್ಟಿಯಲ್ಲಿದ್ದ ಹಸು ಸಾವನ್ನಪ್ಪಿದೆ.
ಪರಿಸರದ ಕೆಲವು ಮನೆಗಳ ವಿದ್ಯುತ್‌ ಉಪಕರಣಗಳು ಹಾನಿಗೀಡಾಗಿವೆ.