ಹಾಜಿ ಅಬ್ದುಲ್ಲಾ ಸಾಹೇಬ್‌ ಅವರ ಕುರಿತ ಕೃತಿ ಬಿಡುಗಡೆ

Team Udayavani, Mar 14, 2017, 12:46 PM IST

ಉಡುಪಿ: ಕಾರ್ಪೊ ರೇಶನ್‌ ಬ್ಯಾಂಕಿನ 112ನೇ ಸಂಸ್ಥಾಪನ ದಿನಾಚರಣೆಯ ಪ್ರಯುಕ್ತ ವಿಮರ್ಶಕ ಪ್ರೊ| ಮುರಳೀಧರ ಉಪಾಧ್ಯ ಹಿರಿಯಡಕ ರಚಿಸಿದ ಬ್ಯಾಂಕಿನ ಸ್ಥಾಪಕಾಧ್ಯಕ್ಷ ಹಾಜಿಅಬ್ದುಲ್ಲಾ ಸಾಹೇಬ್‌ ಅವರ ಕುರಿತ ಕೃತಿಯ 2ನೇ ಆವೃತ್ತಿಯನ್ನು ಮನೋವೈದ್ಯ ಡಾ| ಪಿ. ವಿ. ಭಂಡಾರಿ ರವಿವಾರ ಉಡುಪಿಯಲ್ಲಿ ಬಿಡುಗಡೆಗೊಳಿಸಿದರು.

ಹಾಜಿ ಅಬ್ದುಲ್ಲಾರ ಬಗ್ಗೆ ಜನಸಾಮಾನ್ಯರು ತಿಳಿದುಕೊಳ್ಳ ಬೇಕೆಂಬ ಉದ್ದೇಶದಿಂದ ಅವರ ಕುಟುಂಬಸ್ಥರು ಮುರಳೀಧರ ಉಪಾಧ್ಯ  ಬರೆದ ಪುಸ್ತಕವನ್ನು ಬಿಡುಗಡೆ ಗೊಳಿಸುತ್ತಿರುವುದು ಅವಿಸ್ಮರಣೀಯ. ಹಾಜಿ ಅಬ್ಬುಲ್ಲಾ ಬಡವರಿಗಾಗಿ 
ಹಾಗೂ ಸೌಹಾದರ್ತೆಗಾಗಿ ಶ್ರಮಿಸಿದವರು. ಆದರೆ ಇಂದು ಬಂಡವಾಳ ಶಾಹಿ ಹಾಗೂ ಕೋಮುವಾದಿಗಳು ದೇಶವನ್ನು ಆಳುತ್ತಿರುವ ಸಂದರ್ಭದಲ್ಲಿ ಹಾಜಿ ಅಬ್ದುಲ್ಲಾರ ಬಗ್ಗೆ ತಿಳಿದುಕೊಳ್ಳುವುದು ಅತಿ ಅಗತ್ಯ ಎಂದರು. ಈ ಸಂದರ್ಭದಲ್ಲಿ ಹಾಜಿ ಅಬ್ದುಲ್ಲಾ ಸಾಹೇಬ್‌ ಅವರ ಸಂಬಂದಿಗಳಾದ ಸಿರಾಜ್‌ ಅಹ್ಮದ್‌, ಖುರ್ಷಿದ್‌ ಅಹ್ಮದ್‌, ಮುಸ್ಲಿಂ ವೆಲ್‌ಫೇರ್‌ ಅಸೋಸಿಯೇಶನ್‌ ಅಧ್ಯಕ್ಷ ಗಫ‌ೂರ್‌ ಕಲ್ಯಾಣಪುರ ಉಪಸ್ಥಿತರಿದ್ದರು.