Malpe: ಅಕ್ರಮ ಮರಳು ವಶ; ಆರೋಪಿಗಳು ಪರಾರಿ
Team Udayavani, Oct 19, 2024, 8:24 PM IST
ಮಲ್ಪೆ: ಪಡುತೋನ್ಸೆ ಗ್ರಾಮದ ಕಂಬಳತೋಟದಲ್ಲಿ ಮರಳು ಅಕ್ರಮ ಸಂಗ್ರಹಿಸುತ್ತಿದ್ದ ಆರೋಪದಲ್ಲಿ ಒಂದು ಯುನಿಟ್ ಮರಳು ಮತ್ತು ಅದಕ್ಕೆ ಬಳಸಿದ ವಾಹನವನ್ನು ಪೊಲೀಸರು ಸ್ವಾಧೀನಪಡಿಸಿಕೊಂಡಿದ್ದಾರೆ.
ಅ. 17ರಂದು ರಾತ್ರಿ 11-50ರ ಸುಮಾರಿಗೆ ಅರ್ವಿನ್ ಕ್ವಾಡ್ರಸ್ ಅವರಿಗೆ ಸೇರಿದ ಜಾಗದಲ್ಲಿ ನಸ್ರುಲ್ಲಾ , ಪಜೂಲ್, ಸಾಗರ್ ಅವರು ಶೇಖರಿಸಿ ಸಾಗಿಸಲು ವಾಹನಕ್ಕೆ ತುಂಬಿಸುತ್ತಿದ್ದರು ಎನ್ನಲಾಗಿದೆ. ಪೊಲೀಸರನ್ನು ಕಂಡು ಆರೋಪಿಗಳು ಪರಾರಿಯಾಗಿದ್ದಾರೆ. ಸ್ವಾಧೀನ ಪಡಿಸಿಕೊಂಡ ಮರಳಿನ ಮೌಲ್ಯ 5 ಸಾ.ರೂ. ಮತ್ತು ವಾಹನದ ಮೌಲ್ಯ 2 ಲಕ್ಷ ರೂ. ಎಂದು ಅಂದಾಜಿಸಲಾಗಿದೆ. ಮಲ್ಪೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಅಕ್ರಮ ಮರಳು ಸಂಗ್ರಹ: ಇಬ್ಬರ ಬಂಧನ
ಮಲ್ಪೆ: ಪಡುತೋನ್ಸೆ ಗ್ರಾಮದ ತಿಮ್ಮಣ್ಣಕುದ್ರು ಬಳಿ ಅಕ್ರಮವಾಗಿ ಮರಳು ಸಂಗ್ರಹಿಸಿ ಸಾಗಿಸುತ್ತಿದ್ದ ಬಗ್ಗೆ ಸಿಕ್ಕಿದ ಖಚಿತ ಮಾಹಿತಿ ಮೇರೆಗೆ ದಾಳಿ ನಡೆಸಿದ ಪೊಲೀಸರು ಮರಳು ಸಹಿತ ಇಬ್ಬರನ್ನು ವಶಕ್ಕೆ ಪಡೆದಿದ್ದಾರೆ.
ಪ್ರವೀಣ್ ಮತ್ತು ಹರೀಶ್ ಅವರು ಅಕ್ರಮವಾಗಿ ತೆಗೆದಿದ್ದ ಸುಮಾರು 5 ಯೂನಿಟ್ ಮರಳನ್ನು ಫ್ಲೇವಿ ಮಿನೇಜಸ್ ಅವರ ಜಾಗದಲ್ಲಿ ಸಂಗ್ರಹಿಸಿರುವುದು ಕಂಡು ಬಂದಿದೆ. ಮಲ್ಪೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಟಾಪ್ ನ್ಯೂಸ್
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.