Karkala: ಬ್ಯಾಂಕ್‌ನಲ್ಲಿ ವಿದ್ಯುತ್ ಶಾರ್ಟ್ ಸರ್ಕ್ಯೂಟ್

Team Udayavani, Oct 4, 2023, 11:42 PM IST

ಕಾರ್ಕಳ: ಕಾರ್ಕಳ-ಉಡುಪಿ ರಸ್ತೆಯ ಸಾಲ್ಮರದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಎಕ್ಸಿಸ್‌ ಬ್ಯಾಂಕ್‌ನಲ್ಲಿ ವಿದ್ಯುತ್‌ ಶಾರ್ಟ್ ಸರ್ಕ್ಯೂಟ್ ನಿಂದಾಗಿ ಬೆಂಕಿ ಕಾಣಿಸಿಕೊಂಡ ಘಟನೆ ಅ. 4ರ ಬೆಳಗ್ಗೆ ಸಂಭವಿಸಿದೆ.

ಕಟ್ಟಡದ ಮಾಲಕರು ತತ್‌ಕ್ಷಣವೇ ಅಗ್ನಿ ಶಾಮಕ ದಳಕ್ಕೆ ಮಾಹಿತಿ ನೀಡಿದ್ದು, ಸ್ಥಳಕ್ಕೆ ಆಗಮಿಸಿದ ಅಗ್ನಿಶಾಮಕ ದಳದ ಸಿಬಂದಿ ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾದರು. ಸರ್ವರ್‌, ಇನ್‌ವರ್ಟರ್‌ ಸೇರಿದಂತೆ ಹಲವು ಎಲೆಕ್ಟ್ರಿಕಲ್‌ ವಸ್ತುಗಳು ಬೆಂಕಿಗಾಹುತಿಯಾಗಿವೆ.

ಅಗ್ನಿಶಾಮಕ ಠಾಣಾಧಿಕಾರಿ ಬಿ.ಎಂ. ಸಂಜೀವ, ಸಿಬಂದಿ ಜಯ ಮೂಲ್ಯ, ಕೇಶವ, ಸುಜಯ್, ಹಸನ್‌ ಸಾಬ್‌, ವಿನಾಯಕ ಭಾಗವಹಿಸಿದ್ದರು.