ಕಾಪು : ವಿದೇಶದಿಂದ ಬಂದಿದ್ದ ವ್ಯಕ್ತಿ ಬಾವಿಯ ಹಗ್ಗಕ್ಕೆ ನೇಣು ಬಿಗಿದು ಆತ್ಮಹತ್ಯೆಗೆ ಶರಣು

Team Udayavani, May 19, 2022, 7:46 PM IST

ಕಾಪು : ವಿದೇಶದಿಂದ ಕೆಲಸ ಬಿಟ್ಟು ಮನೆಯಲ್ಲಿದ್ದು ಮಾನಸಿಕ ಖಿನ್ನತೆ ಮತ್ತು ನಿದ್ರಾಹೀನತೆಯಿಂದ ಬಳಲುತ್ತಿದ್ದ ಮೂಡಬೆಟ್ಟು ನಿವಾಸಿ ಮಾರ್ಕ್ ಮಾರ್ಟಿಸ್ (63) ಜೀವನದಲ್ಲಿ ಜಿಗುಪ್ಸೆಗೊಂಡು ಮನೆಯ ಬಾವಿಯ ಹಗ್ಗಕ್ಕೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡ ಘಟನೆ ಮೇ 19 ರಂದು ನಡೆದಿದೆ.

ಮೃತ ಮಾರ್ಕ್ ಮಾರ್ಟಿಸ್ ಅವರು ಸುಮಾರು 2 ವರ್ಷದಿಂದ ವಿದೇಶದಿಂದ ಕೆಲಸ ಬಿಟ್ಟು ಮನೆಯಲ್ಲಿದ್ದು, ಮಾನಸಿಕ ಖಿನ್ನತೆಗಾಗಿ ಉಡುಪಿಯ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಗುರುವಾರ ಬೆಳಗ್ಗೆ ಪತ್ನಿ ಅನಿತಾ ಮಾರ್ಟಿಸ್ ಮತ್ತು ಮಗಳು ಅನಿಮ್ ಮಲ್ಲಿಗೆ ಹೂವು ಕಟ್ಟಿ ಬಳಿಕ ಮನೆಯೊಳಗೆ ನೋಡಿದಾಗ ಪತಿ ಎಲ್ಲಿಯೂ ಕಾಣಿಸಿ ಕೊಂಡಿರಲಿಲ್ಲ.

ಇದರಿಂದ ಗಾಬರಿಗೊಂಡು ಎಲ್ಲಾ ಕಡೆ ಹುಡುಕಾಡುತ್ತಿದ್ದಾಗ ಬಾವಿಯ ಸಮೀಪದಲ್ಲಿ ಕೊಡೆ ಕಂಡಿದ್ದು ಬಾವಿಯ ಬಳಿ ಹೋಗಿ ನೋಡಿದಾಗ ಬಾವಿಯ ಹಗ್ಗದಲ್ಲೇ ದೇಹ ನೇತಾಡುತ್ತಿತ್ತು ಕೂಡಲೇ ನೆರೆಕರೆಯವರನ್ನು ಕರೆದು ಮೇಲಕೆತ್ತಿದಾಗ ಮೃತಪಟ್ಟಿರುವುದು ಬೆಳಕಿಗೆ ಬಂದಿದೆ.

ಈ ಬಗ್ಗೆ ಕಾಪು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.

ಇದನ್ನೂ ಓದಿ : ವಾಡಿ: ಯಂತ್ರಕ್ಕೆ ಸಿಕ್ಕು ಸಿಮೆಂಟ್ ಉತ್ಪಾದನಾ ಘಟಕದ ಕಾರ್ಮಿಕ ದುರ್ಮರಣ