ಕಾಪು ಸರಕಾರಿ ಪ್ರಥಮ ದರ್ಜೆ ಕಾಲೇಜು ವಿದ್ಯಾರ್ಥಿಗಳ ಕೃಷಿ ಕಾರ್ಯ

Team Udayavani, Jul 11, 2018, 6:00 AM IST

ಕಾಪು: ಕಾಪು ಸರಕಾರಿ ಪ್ರಥಮ ದರ್ಜೆ ಕಾಲೇಜಿನ ಎನ್ನೆಸ್ಸೆಸ್‌ ಮತ್ತು ರೇಂಜರ್ ಘಟಕದ  ವಿದ್ಯಾರ್ಥಿಗಳು ಕೃಷಿ ಮಾಹಿತಿ ಪಡೆಯುವ ಉದ್ದೇಶಕ್ಕಾಗಿ ಕೊಪ್ಪಲಂಗಡಿಯ ಗದ್ದೆಯಲ್ಲಿ ನಾಟಿ ಕಾರ್ಯದಲ್ಲಿ ತೊಡಗಿಸಿಕೊಂಡಿದ್ದಾರೆ.  

ಮಲ್ಲಾರು ಗ್ರಾಮದ ಕೊಪ್ಪಲಂಗಡಿ ಕಕ್ಕು ಕೋಚ ಶೆಟ್ಟಿ ಮನೆಯ ಕೃಷಿಕ ಉಮೇಶ ಎಂ. ಶೆಟ್ಟಿ ಅವರ ಸುಮಾರು 70 ಸೆಂಟ್ಸ್‌ ವಿಸ್ತೀರ್ಣದ 38 ಮುಡಿ ಭತ್ತ ಬೆಳೆಯುವ ಗದ್ದೆಯಲ್ಲಿ ರೈತ ಮಹಿಳೆಯರ ಜೊತೆಗೂಡಿ ವಿದ್ಯಾರ್ಥಿಗಳು ನಾಟಿ ಮಾಡಿದರು. ಮತ್ತು ನಾಟಿ ವೇಳೆ ಹೇಳುವ ಪಾಡªನದ ಬಗ್ಗೆ ಮಾಹಿತಿ ಪಡೆದುಕೊಂಡರು.  

ಕಾಲೇಜಿನ ರಾಷ್ಟ್ರೀಯ ಸೇವಾ ಯೋಜನಾ ಘಟಕದ ಅಧಿಕಾರಿ ವಿದ್ಯಾ ಡಿ. ಅವರ ನೇತೃತ್ವದಲ್ಲಿ 20ಕ್ಕೂ ಅಧಿಕ ಮಂದಿ ವಿದ್ಯಾರ್ಥಿ – ವಿದ್ಯಾರ್ಥಿನಿಯರು ನಾಟಿ ಕೆಲಸ ಮಾಡಿದ್ದಾರೆ.  

 ಪಠ್ಯೇತರ ಚಟುವಟಿಕೆಗೆ ಒತ್ತು 
 ವಿದ್ಯಾರ್ಥಿಗಳಿಗೆ ಕೃಷಿ ಬಗ್ಗೆ ಅರಿವು ಮೂಡಿಸಲು ಈ ಪ್ರಯತ್ನ ಮಾಡಲಾಗಿದೆ. ವಿದ್ಯಾರ್ಥಿಗಳು ಕೇವಲ ಪಠ್ಯ  ಚಟುವಟಿಕೆಗಳಿಗೆ ಮಾತ್ರ ಸೀಮಿತರಾಗಿರದೇ ಎಲ್ಲ  ರೀತಿಯಲ್ಲೂ  ಮಾಹಿತಿಗಳನ್ನು ಪಡೆದುಕೊಳ್ಳುವಂತಾಗಬೇಕು.
ವಿದ್ಯಾ ಡಿ., ಎನ್ನೆಸ್ಸೆಸ್‌ ಅಧಿಕಾರಿ

ಅಪಾರ ಅನುಭವ
ಗ್ರಾಮೀಣ ವಿದ್ಯಾರ್ಥಿಗಳಾದರೂ ಕೃಷಿಯ ಸಂಪೂರ್ಣ ಮಾಹಿತಿ ಕೊರತೆ ನಮಗಿತ್ತು. ನಮ್ಮ ಎನ್‌ಎಸ್‌ಎಸ್‌ ಘಟಕದ ಮೂಲಕ ಅಪಾರ ಅನುಭವ ಪಡೆಯಲು ನಮಗೆ ಅವಕಾಶ ಸಿಕ್ಕಿದೆ.  
ಯತೀಶ್‌, ಎನ್ನೆಸ್ಸೆಸ್‌ ನಾಯಕ