ಕಡಿಯಾಳಿ: ಜು.24ರಂದು ಕೆಸರುಗದ್ದೆ ಕ್ರೀಡಾಕೂಟ

Team Udayavani, Jul 22, 2022, 6:51 PM IST

ಉಡುಪಿ : ಉಡುಪಿ ಸಾರ್ವಜನಿಕ ಗಣೇಶೋತ್ಸವ ಸಮಿತಿ ಕಡಿಯಾಳಿ ಇವರ ವತಿಯಿಂದ ಕೆಸರುಗದ್ದೆ ಕ್ರೀಡಾಕೂಟ -2022 “ಕೆಸರ್ ದ ಗೊಬ್ಬು’ ಜು.24ರಂದು ಬೆಳಗ್ಗೆ 9ರಿಂದ ಕಡಿಯಾಳಿ ದೇವಸ್ಥಾನದ ವಠಾರ(ಕಮಲ್‌ ಹೊಟೇಲ್‌ನ ಹಿಂಭಾಗ)ದಲ್ಲಿ ನಡೆಯಲಿದೆ.

ಕಡಿಯಾಳಿ ಶ್ರೀ ಮಹಿಷಮರ್ದಿನಿ ದೇವಸ್ಥಾನದ ಅಧ್ಯಕ್ಷ ಡಾ| ರವಿರಾಜ ಆಚಾರ್ಯ, ಬ್ರಹ್ಮಕಲಶೋತ್ಸವ ಸಮಿತಿ ಅಧ್ಯಕ್ಷ ಪುರುಷೋತ್ತಮ ಪಿ.ಶೆಟ್ಟಿ, ಶಾಸಕ ಕೆ.ರಘುಪತಿ ಭಟ್‌ ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ.

ಓಟ, ಹಿಮ್ಮುಖ ಓಟ, ನಿಧಿ ಹುಡುಕಾಟ, ಪಾಲೆ ಎಳೆತ, ಜೋಡಿ ಓಟ(ಕಾಲಿಗೆ ಹಗ್ಗ ಕಟ್ಟಿ ಓಡುವುದು), ಹಗ್ಗಜಗ್ಗಾಟ, ತ್ರೋಬಾಲ್‌ ನಡೆಯಲಿದೆ.

ಮಹಿಳೆಯರು, ಪುರುಷರು, ಮಕ್ಕಳು ಈ ಕ್ರೀಡಾಕೂಟದಲ್ಲಿ ಭಾಗವಹಿಸಬಹುದು ಎಂದು ಪ್ರಕಟನೆ ತಿಳಿಸಿದೆ.