ಕೊಲ್ಲೂರು: ಸೌಪರ್ಣಿಕಾ ನದಿ ಸ್ವಚ್ಛತೆ

Team Udayavani, Mar 20, 2018, 8:10 AM IST

ಕೊಲ್ಲೂರು: ಕುಂದಾಪುರದ ಯುವ ಬ್ರಿಗೇಡ್‌ ನೇತೃತ್ವದಲ್ಲಿ ಮಾ. 18ರಂದು ಕೊಲ್ಲೂರಿನ ಸೌಪರ್ಣಿಕಾ ನದಿ ಸ್ವಚ್ಛತಾ ಕಾರ್ಯಕ್ರಮ ನಡೆಯಿತು.

ಚಕ್ರವರ್ತಿ ಸೂಲೆಬೆಲೆ ಅವರ ಮಾರ್ಗದರ್ಶನದಲ್ಲಿ ರಾಜ್ಯದಾದ್ಯಂತ ನಡೆಯುತ್ತಿರುವ ಕ್ಷೇತ್ರ ತೀರ್ಥಸ್ನಾನಗಳ ಸ್ವಚ್ಛತೆಯ ಆಂದೋಲನಕ್ಕೆ ಕೊಲ್ಲೂರಿನ ಸೌಪರ್ಣಿಕ ನದಿಯನ್ನು  ಆಯ್ಕೆ ಮಾಡಲಾಗಿದ್ದು ಅದರಂತೆ ಕುಂದಾಪುರ ಡಾ| ಬಿ.ಬಿ. ಹೆಗ್ಡೆ ಕಾಲೇಜಿನ ವಿದ್ಯಾರ್ಥಿ ವಿದ್ಯಾರ್ಥಿನಿಯರು,  ಗ್ರಾಮಸ್ಥರ ಸಹಕಾರದೊಡನೆ ಸ್ವಚ್ಛತಾ ಅಭಿಯಾನ ನಡೆಯಿತು. ಯುವ ಬ್ರಿಗೇಡ್‌ ಸಂಚಾಲಕ ರಾಮದಾಸ್‌, ಜಿಲ್ಲಾ  ಸಂಚಾಲಕ ಅದೀಪ್‌, ತಾ|  ಸಂಚಾಲಕರಾದ ರಾಹುಲ್‌ ,  ನಿರಂಜನ್‌, ವಿಶ್ವನಾಥ, ಅಮರ್‌, ರೋಹಿತ್‌,  ಪ್ರಶಾಂತ್‌, ನವೀನ್‌  ಮತ್ತಿತರರು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. 

ಈ ಸಂದರ್ಭ ಮಾತನಾಡಿದ ಸಂತೋಷ್‌ ಭಟ್‌, ನಿರಂಜನ್‌ ತಲ್ಲೂರ ಅವರು ಕ್ಷೇತ್ರಗಳ ಪವಿತ್ರ ನದಿಗಳ ನೀರಿನ ಸ್ವಚ್ಛತೆ ಕಾಪಾಡುವಲ್ಲಿ ಪ್ರತಿಯೋರ್ವರೂ ಹೆಚ್ಚಿನ ಕಾಳಜಿ ವಹಿಸಿ ಶ್ರಮಿಸಬೇಕು ಎಂದರು.