ಕುಂದಾಪುರ:  ರಂಗ ಅಧ್ಯಯನ ಕೇಂದ್ರದ ನಾಟಕೋತ್ಸವದ ಉದ್ಘಾಟನೆ

Team Udayavani, Mar 6, 2017, 6:21 PM IST

ಕುಂದಾಪುರ: ನಾಡಿನ ಪ್ರಮುಖ ರಂಗಶಾಲೆಯಾಗಿರುವ ಕುಂದಾಪುರದ ರಂಗ ಅಧ್ಯಯನ ಕೇಂದ್ರದಲ್ಲಿ ನಾಟಕೋತ್ಸವದ ಉದ್ಘಾಟನಾ ಸಮಾರಂಭ ಮಾ.3ರಂದು  ಕೇಂದ್ರದ ಪದ್ಮಾವತಿ ಭಂಡಾರ್ಕರ್‌ ರಂಗಮಂದಿರದಲ್ಲಿ ಜರಗಿತು.

ಕೇಂದ್ರದ ನಿರ್ದೇಶಕ ಡಾ| ಎಚ್‌. ಶಾಂತಾರಾಮ್‌ ಅವರು  ನಾಟಕೋತ್ಸವ ವನ್ನು ಉದ್ಘಾಟಿಸಿ  ಮಾತನಾಡಿ,  ರಂಗ ಅಧ್ಯಯನ ಕೇಂದ್ರವು ಹಂಪಿಯ ಕನ್ನಡ ವಿಶ್ವವಿದ್ಯಾಲಯದ ಮಾನ್ಯತೆ ಪಡೆದಿರುವ ರಂಗಶಾಲೆಯಾಗಿದ್ದು,  ಪ್ರತಿವರ್ಷ 12 ರಿಂದ 15 ವಿದ್ಯಾರ್ಥಿಗಳನ್ನು ಆಯ್ಕೆ ಮಾಡಿಕೊಳ್ಳಲಾಗುತ್ತವೆ. ಅವರಿಗೆ ಸತತ ಒಂದು ವರ್ಷಗಳ ಕಾಲ ರಂಗ ತರಬೇತಿ ನೀಡಲಾಗುತ್ತವೆ. ಆ ಮೂಲಕ ಅವರು ತಮ್ಮ ಕಾಲ ಮೇಲೆ ತಾವು ನಿಲ್ಲಲು ಸ್ಫೂರ್ತಿಯನ್ನು ನೀಡಲಾಗುತ್ತದೆ. ಹಾಗಾಗಿ ಕೇಂದ್ರದಲ್ಲಿ ಪ್ರತಿವರ್ಷ ನಾಟಕೋತ್ಸವಗಳನ್ನು ಹಮ್ಮಿಕೊಳ್ಳಲಾಗುತ್ತವೆ. ಇದರಿಂದಾಗಿ ವಿದ್ಯಾರ್ಥಿಗಳಿಗೆ ಬೇರೆ ಬೇರೆ ರೀತಿಯ ರಂಗ ಪರಿಕಲ್ಪನೆಗಳ ಪರಿಚಯವಾಗು ತ್ತವೆ ಎಂದರು.

ಈ ಕಾರ್ಯಕ್ರಮದಲ್ಲಿ ಕೇಂದ್ರದ ಕೇಂದ್ರದ ಆಡಳಿತ ಮಂಡಳಿ ಸದಸ್ಯರಾದ  ಶಾಂತಾರಾಮ್‌ ಪ್ರಭು,  ರಾಜೇಂದ್ರ ತೋಳಾರ್‌, ಕೇಂದ್ರದ ಕಾರ್ಯದರ್ಶಿ ಡಾ| ಎನ್‌.ಪಿ. ನಾರಾಯಣ ಶೆಟ್ಟಿ, ಸಂಚಾಲಕ  ವಸಂತ ಬನ್ನಾಡಿ, ಕೇಂದ್ರದ ಉಪನ್ಯಾಸಕರಾಗಿರುವ ಮಹೇಶ ಆಚಾರಿ, ವಿನಾಯಕ ಎಸ್‌.ಎಂ., ಡಾ| ರಜತ ರಾವ್‌ ಉಪಸ್ಥಿತರಿದ್ದರು.

ಕಾರ್ಯಕ್ರಮದ ಅನಂತರ ಕೇಂದ್ರದ ಹಳೆಯ ವಿದ್ಯಾರ್ಥಿ ಅರುಣ ಬಿ.ಟಿ. ನಿರ್ದೇಶನದ ಅಂಧಯುಗ ನಾಟಕ ಪ್ರದರ್ಶನಗೊಂಡಿತು.