ಕುಂದಾಪುರ: ಕ್ರೇನ್‌ ಢಿಕ್ಕಿ ಹೊಡೆದು  ಬೈಕ್‌ನ ಸಹ ಸವಾರ ಸಾವು

Team Udayavani, Dec 28, 2022, 1:27 AM IST

ಕುಂದಾಪುರ : ಬಳ್ಕೂರು ಗ್ರಾಮದ ಪಾನಕದಕಟ್ಟೆಯ ಶ್ರೀನಿವಾಸ ಕಾಂಪ್ಲೆಕ್ಸ್‌ ಬಳಿ ಹೆದ್ದಾರಿಯಲ್ಲಿ ಕ್ರೇನ್‌ ಢಿಕ್ಕಿಯಾಗಿ ಬೈಕ್‌ ಸಹಸವಾರ ಹೊಂಬಾಡಿ ಮಂಡಾಡಿ ಗ್ರಾಮದ ಹುಣಸೆಮಕ್ಕಿಯ ಸೋಮ ಮೊಗವೀರ ಅವರ ಪುತ್ರ ಪ್ರಶಾಂತ ಮೊಗವೀರ (31) ಅವರುಮೃತಪಟ್ಟಿದ್ದಾರೆ.

ಅಪರಿಚಿತ ಚಾಲಕ, ನೊಂದಣಿ ನಂಬ್ರ ಇಲ್ಲದ ಹೊಸ ಕ್ರೇನ್‌ ಕುಂದಾಪುರ ಕಡೆಯಿಂದ ಸಿದ್ದಾಪುರ ಕಡೆಗೆ ಹೋಗುತ್ತಿದ್ದಾಗ ಗುತ್ತಿಕೆರೆಯ ದಿನೇಶ್‌ ಪೂಜಾರಿ ಅವರು ಬೈಕಿನಲ್ಲಿ ಪ್ರಶಾಂತ ಮೋಗವೀರ ಅವರನ್ನು ಸಹ ಸವಾರರಾಗಿ ಕುಳ್ಳಿರಿಸಿಕೊಂಡು ಹೋಗುತ್ತಿದ್ದ ವೇಳೆ ಢಿಕ್ಕಿ ಸಂಭವಿಸಿದೆ. ಪರಿಣಾಮ ದಿನೇಶ್‌ ಪೂಜಾರಿ ಗಂಭೀರ ಗಾಯಗೊಂಡು ಖಾಸಗಿ ಆಸ್ಪತ್ರೆಯಲ್ಲಿ ದಾಖಲಾಗಿದ್ದು, ಪ್ರಶಾಂತ ಮೋಗವೀರ ಅವರಿಗೆ ಗಂಭೀರ ಗಾಯವಾಗಿ ರಕ್ತಸ್ರಾವವಾಗಿ ಮೃತಪಟ್ಟಿದ್ದಾರೆ. ಕ್ರೇನ್‌ ಚಾಲಕ ಕ್ರೇನ್‌ ಅನ್ನು ರಸ್ತೆ ಬದಿ ನಿಲ್ಲಿಸಿ ಪರಾರಿಯಾಗಿದ್ದಾನೆ. ಕುಂದಾಪುರ ಸಂಚಾರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಇದನ್ನೂ ಓದಿ: ಉಪ್ಪಿನಂಗಡಿ: ನೀರುಪಾಲಾದ ವ್ಯಕ್ತಿಯ ಮೃತದೇಹ ಪತ್ತೆ