Kota: ಮರವಾಯಿ ಮೀನುಗಾರಿಕೆಗೆ ತೆರಳಿದ ವ್ಯಕ್ತಿ ಸಾವು

Team Udayavani, Aug 10, 2024, 8:53 PM IST

ಕೋಟ: ಮೀನುಗಾರಿಕೆಗೆ ತೆರಳಿದ್ದ ಸಂದರ್ಭ ಹೊಳೆಗೆ ಬಿದ್ದು ವ್ಯಕ್ತಿಯೊಬ್ಬ ಮೃತಪಟ್ಟ ಘಟನೆ ಸಾಸ್ತಾನ ಕೋಡಿಯಲ್ಲಿ ಸಂಭವಿಸಿದ್ದು ಶನಿವಾರ ಬೆಳಗ್ಗೆ ಮೃತದೇಹ ಪತ್ತೆಯಾಗಿದೆ.  ಸ್ಥಳೀಯ ಯಕ್ಷಿಮಠ ನಿವಾಸಿ ರಾಜು ಮರಕಾಲ (60) ಮೃತ ವ್ಯಕ್ತಿ.

ಇವರು ಹೊಳೆಯಲ್ಲಿ ಮರವಾಯಿ (ಮಳಿ)ಚಿಪ್ಪುಗಳನ್ನು ಆಯ್ದು  ಪೇಟೆಯಲ್ಲಿ ಮಾರಾಟ ಮಾಡಿ ಜೀವನ ಸಾಗಿಸುತ್ತಿದ್ದರು. ಆ.8ರಂದು ಚಿಪ್ಪು ಸಂಗ್ರಹಕ್ಕಾಗಿ ಮನೆ ಸಮೀಪದ ಕೋಡಿ ಹೊಳೆಗೆ ತೆರಳಿದವರು ನಾಪತ್ತೆಯಾಗಿದ್ದರು. ಮನೆಯವರು ಹುಡುಕಿದರು ಪತ್ತೆಯಾಗಿರಲಿಲ್ಲ. ಶನಿವಾರ ಕೋಡಿ ಹೊಳೆಯಲ್ಲಿ ಶವ ತೇಲುತ್ತಿದ್ದು  ಸ್ಥಳೀಯ ಮೀನುಗಾರರು ಗಮನಿಸಿ  ಕೋಟ ಪೊಲೀಸ್‌ ಠಾಣೆಗೆ ಹಾಗೂ ಸ್ಥಳೀಯ ಕೋಡಿ ಗ್ರಾ.ಪಂ.ಗೆ ಮಾಹಿತಿ ನೀಡಿದ್ದಾರೆ. ಅನಂತರ ಪೊಲೀಸರು ಜೀವನ್‌ಮಿತ್ರ ತಂಡದವರೊಂದಿಗೆ ಸೇರಿ ಶವವನ್ನು ದೋಣಿಯಲ್ಲಿ  ಹೊಳೆಯಿಂದ ಮೇಲಕ್ಕೆ ತಂದು ಕಾನೂನು ಪ್ರಕ್ರಿಯೆಗಳನ್ನು ನಡೆಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಕೋಟ ಪೊಲೀಸ್‌ ಠಾಣೆಯ ಕ್ರೈಂ ವಿಭಾಗದ ಪಿ.ಎಸ್‌.ಐ.ಸುಧಾಪ್ರಭು, ಸಿಬಂದಿಗಳಾದ ಗೋಪಾಲ್‌, ರವಿ ಕುಮಾರ್‌, ವಿಜಯೇಂದ್ರ ಹಾಗೂ ಜೀವನ್‌ಮಿತ್ರ ತಂಡದ ಭರತ್‌ ಗಾಣಿಗ, ಗ್ರಾ.ಪಂ. ಸದಸ್ಯರಾದ ಪ್ರಭಾಕರ ಕುಂದರ್‌, ಅಂಥೋನಿ ಡಿ”ಸೋಜ, ಮೋಸೆಸ್‌ ರೋಡಿಗ್ರಸ್‌ ಸಹಕರಿಸಿದರು.