ಮಿನಿ ಲಾರಿ ಕಾರಿಗೆ ಢಿಕ್ಕಿ : ಕಾರು ಚಾಲಕನಿಗೆ ಗಾಯ

Team Udayavani, Oct 30, 2022, 11:20 PM IST

ಪಡುಬಿದ್ರಿ: ರಾಷ್ಟ್ರೀಯ ಹೆದ್ದಾರಿ 66ರ ಬೀಡು ಬಳಿ ಮಂಜು ಸಾಗಿಸುತ್ತಿದ್ದ 709ಮಿನಿ ಲಾರಿಯು ರಸ್ತೆ ದಾಟಿ ಬಂದು ಕಾರಿಗೆ ಢಿಕ್ಕಿಯಾಗಿ ಮಗುಚಿಬಿದ್ದು ಸಂಭವಿಸಿದ ಅಪಘಾತದಲ್ಲಿ ಕಾರು ಚಾಲಕರಿಗೆ ಗಾಯಗಳಾಗಿವೆ.

ಬೈಕಂಪಾಡಿಗೆ ಉಡುಪಿಯಿಂದ ಮಂಜು ಸಾಗಿಸುತ್ತಿದ್ದ ಮಿನಿ ಲಾರಿ ಚಾಲಕನ ಅಜಾಗ್ರತೆಯ ಚಾಲನೆಯಿಂದಾಗಿ ಆತನಿಗೆ ತನ್ನ ವಾಹನವನ್ನು ಹಿಡಿತದಲ್ಲಿಸಿಕೊಳ್ಳಲಾಗಿರಲಿಲ್ಲ. ಮಿನಿ ಲಾರಿಯು ಡಿವೈಡರ್‌ ಹತ್ತಿಳಿದು ಮಂಗಳೂರಿನಿಂದ ಉಡುಪಿಯತ್ತ ಬರುತ್ತಿದ್ದ ಕಾರಿಗೆ ಅಡ್ಡಬಂದು ಢಿಕ್ಕಿಯಾಗಿ ಮಿನಿ ಲಾರಿ ಪಲ್ಟಿಯಾಗಿತ್ತು. ಅಪಘಾತದಿಂದಾಗಿ ಕಾರು ಸಂಪೂರ್ಣ ಜಖಂಗೊಂಡಿದೆ. ಕಾರಿನ ಏರ್‌ಬ್ಯಾಗ್‌ ತೆರೆದುಕೊಂಡಿದ್ದು ಚಾಲಕರಿಗೆ ತರಚಿದ ಗಾಯಗಳಾಗಿವೆ. ಪಡುಬಿದ್ರಿಯ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದ ಅವರು ಪಡುಬಿದ್ರಿ ಪೊಲೀಸ್‌ ಠಾಣೆಯಲ್ಲಿ ದೂರು ನೀಡಿದ್ದು ಪ್ರಕರಣವು ದಾಖಲಾಗಿದೆ.