ನಲ್ಲೂರು ಬಸದಿ ಸಂಪರ್ಕ ರಸ್ತೆ ಅಪೂರ್ಣ ಕಾಮಗಾರಿ: ಸಮಸ್ಯೆಯಾದ ಮೋರಿ

Team Udayavani, Jul 11, 2017, 3:45 AM IST

ಕಾರ್ಕಳ: ನಲ್ಲೂರು ಅತಿಶಯ ಬಸದಿ ಸಂಪರ್ಕ ರಸ್ತೆಯಲ್ಲಿ ಅಪೂರ್ಣ ಕಾಮಗಾರಿ ನಡೆದಿದ್ದು, ಇದೀಗ ನಿರ್ಮಾಣಗೊಂಡ ಮೋರಿಯೂ ಕೂಡಾ ಒಂದು ಸಮಸ್ಯೆಯಾಗಿ ಸ್ಥಳೀಯರ ಆಕ್ರೋಶಕ್ಕೆ ಕಾರಣವಾಗಿದೆ.

“ಯು’ ರಚನೆ: ಹೆಚ್ಚಿನ ಅನುಕೂಲ ಬಜಗೋಳಿ ಕರ್ಮರ್‌ಕಟ್ಟೆಯಿಂದ ನಲ್ಲೂರು ಬಸದಿಗೆ ಸಂಪರ್ಕ ಕಲ್ಪಿಸುವ ಈ ರಸ್ತೆ ಅಪೂರ್ಣ ಕಾಮಗಾರಿಯಿಂದಾಗಿ ಅವ್ಯವಸ್ಥೆಯ ದಾರಿಯಾಗಿದ್ದು ಇಲ್ಲಿನ ರಸ್ತೆ ಇನ್ನೂ ಡಾಮರೀಕರಣಕ್ಕೆ ಬಾಕಿ ಉಳಿದಿದೆ. ಅಲ್ಲದೇ ಇದೀಗ ಸೇತುವೆ ಬಳಿಯಿಂದ ನಲ್ಲೂರಿಗೆ ಸಂಪರ್ಕ ಕಲ್ಪಿಸುವಲ್ಲಿ ಮೋರಿ ರಚನೆ ಮಾಡಲಾಗಿದ್ದು ಅದು ನೇರವಾಗಿ ಮಾಡದೇ “ಯು’ ಆಕಾರದಲ್ಲಿ ರಚನೆ ಮಾಡಿದ್ದರೆ ಇನ್ನೂ ಅನುಕೂಲವಾಗುತ್ತಿತ್ತು ಎಂದು ಸ್ಥಳೀಯರು ತಿಳಿಸಿದ್ದಾರೆ.

ಈ ಮೋರಿ ಅಪಘಾತಗಳಿಗೆ ದಾರಿ ಮಾಡಿಕೊಟ್ಟಿದ್ದು ರಾತ್ರಿ ವೇಳೆ ಇಲ್ಲಿ ಅವಘಡಗಳು ಸಂಭವಿಸಿದರೂ ಕೇಳ್ಳೋರೇ ಇಲ್ಲವಾಗಿದೆ. ವಾಹನಗಳಿಗೆ ಸೈಡ್‌ ಕೊಡುವ ಭರದಲ್ಲಿ ತೊಂದರೆಯಾಗುತ್ತಿದೆ ಎಂದು ಸ್ಥಳೀಯರು ಆತಂಕ ವ್ಯಕ್ತಪಡಿಸಿದ್ದಾರೆ.